പ്രസിഡന്റ് വ്‌ളാഡിമിർ പുടിന്റെ അടുത്ത അനുയായിയും റഷ്യൻ കോടീശ്വരനുമായ റോമൻ അബ്രമോവിച്ചിനെതിരെ പുതിയ ഉപരോധം ഏർപ്പെടുത്തിയാതായി പ്രധാനമന്ത്രി ജസ്റ്റിൻ ട്രൂഡോ അറിയിച്ചു.
റെജീനയിൽ സ്റ്റീൽ മിൽ നടത്തുന്ന ബ്രിട്ടീഷ് ബഹുരാഷ്ട്ര നിർമ്മാണ കമ്പനിയായ എവ്രാസിന്റെ പ്രധാന ഓഹരി ഉടമയാണ് അബ്രമോവിച്ച്. പ്രശസ്തമായ ചെൽസി ഫുട്ബോൾ ക്ലബ്ബിന്റെ ഉടമ കൂടിയായ അബ്രമോവിച്ചിനെതിരെ കൂടുതൽ ഉപരോധങ്ങൾ നടപ്പിലാക്കാൻ ബ്രിട്ടീഷ് പ്രധാനമന്ത്രി ബോറിസ് ജോൺസൺ സർക്കാരിന് മേൽ സമ്മർദ്ദം വർദ്ധിച്ചുകൊണ്ടിരിക്കെയാണ് കാനഡ ഉപരോധം ഏർപ്പെടുത്തിയത്. കൂടുതൽ ഉപരോധങ്ങൾ നടപ്പിലാക്കുന്നതിന് ഇടയിൽ തന്റെ സ്വത്തുക്കൾ കണ്ടുകെട്ടാതിരിക്കാൻ അബ്രമോവിച്ച് തന്റെ സൂപ്പർ യാച്ച് മെഡിറ്ററേനിയൻ കടലിലേക്ക് മാറ്റി.
ട്രൂഡോ നാല് രാജ്യങ്ങളിലെ യൂറോപ്യൻ യാത്ര അവസാനിപ്പിച്ചതോടെ പുടിനുമായുള്ള അടുത്ത ബന്ധത്തിന് കനേഡിയൻ ഉപരോധ പട്ടികയിൽ ചേർത്ത അഞ്ച് പുതിയ റഷ്യൻ പ്രഭുക്കന്മാരിൽ ഒരാളാണ് അബ്രമോവിച്ച്.
അവരുടെ സ്വത്തുക്കൾ മരവിപ്പിക്കുകയും റഷ്യയിലെ 32 സൈനിക സ്ഥാപനങ്ങളിൽ നിയന്ത്രണങ്ങൾ ഏർപ്പെടുത്തുകയും ചെയ്യുമെന്നു വെള്ളിയാഴ്ച ട്രൂഡോ വാർസോയിൽ പറഞ്ഞു.
ഉക്രെയ്നിലെ അധിനിവേശം അവസാനിപ്പിക്കാൻ റഷ്യയുടെ മേൽ സമ്മർദം വർധിപ്പിക്കുന്നതിനായി നേതാക്കളുമായി കൂടിക്കാഴ്ച നടത്താൻ ട്രൂഡോ ലണ്ടൻ, ബെർലിൻ, ലാത്വിയയിലെ റിഗ എന്നിവിടങ്ങൾ സന്ദർശിച്ചു. ഉപരോധങ്ങൾ, പുടിന്റെയും അദ്ദേഹത്തിന്റെ സഹായികളുടെയും ഇടയിൽ സാമ്പത്തിക കുരുക്ക് മുറുക്കുക, യൂറോപ്പിലെ ഏറ്റവും വലിയ സൈനിക ശക്തിയുടെ ആക്രമണം തടഞ്ഞുനിർത്തുന്നതിൽ ഇതുവരെ എല്ലാ പ്രതിബന്ധതകളും ലംഘിച്ചിട്ടുള്ള ഉക്രെയ്നിലെ സൈനികർക്കും സിവിലിയൻ പോരാളികൾക്കും പുതിയ ആയുധങ്ങൾ അയയ്ക്കൽ എന്നിവ അവരുടെ നടപടികളിൽ ഉൾപ്പെടുന്നു.
അബ്രമോവിച്ചിനെതിരായ ഉപരോധം അദ്ദേഹത്തിന് ഓഹരി പങ്കാളിത്തമുള്ള സസ്‌കാച്ചെവൻ കമ്പനിയിലെ കനേഡിയൻ തൊഴിലാളികളെ ദ്രോഹിക്കുന്നില്ലെന്ന് ഉറപ്പാക്കാൻ സർക്കാർ ശ്രമിക്കുമെന്ന് ട്രൂഡോ പറഞ്ഞു.
“റഷ്യൻ ഉദ്യോഗസ്ഥർക്കും അബ്രമോവിച്ചിനെപ്പോലുള്ള പ്രഭുക്കന്മാർക്കും മേലുള്ള ഉപരോധം അവർക്ക് നേരെയുള്ളതാണ്. അതിനാൽ അവർക്ക് കാനഡയിലെ സാമ്പത്തിക പ്രവർത്തനങ്ങളിൽ നിന്ന് ലാഭമോ നേട്ടമോ ഉണ്ടാക്കാൻ കഴിയില്ല, ട്രൂഡോ പറഞ്ഞു. എവ്രാസിൽ അബ്രമോവിച്ചിന്റെ ഉടമസ്ഥതയിലുള്ള ഓഹരികളുടെ മൂല്യം 30 ശതമാനത്തിൽ താഴെയാണെന്ന് താൻ വിശ്വസിക്കുന്നതായി പ്രധാനമന്ത്രി പറഞ്ഞു.
“ഞങ്ങൾ സൂക്ഷ്മമായി നിരീക്ഷിക്കാൻ പോകുകയാണ്, പക്ഷേ രാജ്യത്തുടനീളമുള്ള കമ്പനികളിൽ നല്ല ജോലി ചെയ്യുന്ന കഠിനാധ്വാനികളായ കനേഡിയൻമാരെ ഇത് ബാധിക്കില്ലെന്ന് ഞങ്ങൾക്ക് ഉറപ്പുണ്ട്.” ട്രൂഡോ കൂട്ടിച്ചേർത്തു.
യൂറോപ്യൻ ഭൂഖണ്ഡം ദശാബ്ദങ്ങളിലെ ഏറ്റവും മോശമായ കുടിയേറ്റ പ്രതിസന്ധിയിൽ അകപ്പെട്ടതിനാൽ കാനഡയിൽ സുരക്ഷിത താവളങ്ങൾ കണ്ടെത്തുന്നതിനായി യൂറോപ്പ് വിടാൻ ആഗ്രഹിക്കുന്ന ഉക്രേനിയൻ അഭയാർത്ഥികളുടെ കനേഡിയൻ എയർലിഫ്റ്റ് താൻ പരിഗണിക്കുന്നുണ്ടെന്നും ട്രൂഡോ പറഞ്ഞു. “ഞാൻ അത് ഒട്ടും തള്ളിക്കളയുന്നില്ല,” ട്രൂഡോ പറഞ്ഞു. “ഞങ്ങൾ എല്ലാ ഓപ്ഷനുകളും നോക്കുകയാണ്. കനേഡിയൻമാർ ഉക്രേനിയക്കാർക്കായി അവിടെ ഉണ്ടായിരിക്കാൻ ആഗ്രഹിക്കുന്നു,” ട്രൂഡോ പറഞ്ഞു.