ഓട്ടവ : കാനഡ പോസ്റ്റ് ജീവനക്കാരുടെ സമരം ഇരുപത്തിയഞ്ചാം ദിവസത്തിലേക്ക് കടന്നതോടെ ഡെലിവറികൾക്കുള്ള കാത്തിരിപ്പ് സമയം വർധിക്കുന്നു. നവംബർ 14-ന് ആരംഭിച്ച അമ്പത്തയ്യായിരത്തിലധികം ജീവനക്കാർ പങ്കെടുക്കുന്ന പണിമുടക്ക് കാരണം കാനഡ പോസ്റ്റ് വഴി പാഴ്സലുകൾ സ്വീകരിക്കുകയോ അയയ്ക്കുകയോ ചെയ്യുന്ന ദശലക്ഷക്കണക്കിന് കനേഡിയൻ പൗരന്മാർക്ക് മറ്റു മാർഗ്ഗങ്ങൾ സ്വീകരിക്കേണ്ട അവസ്ഥയാണ് നിലവിലുള്ളത്.
മറ്റ് വൻകിട കാരിയറുകളുടെയും ഇതര കൊറിയറുകളുടെയും എണ്ണം കുതിച്ചുയർന്നതോടെ പ്യൂറോലേറ്റർ, യുപിഎസ്, മറ്റ് ഷിപ്പിങ് സർവീസുകൾ എന്നിവയിൽ ബാക്ക്ലോഗുകൾ സൃഷ്ടിച്ചിട്ടുണ്ട്. കൂടാതെ ഇത് രാജ്യത്തുടനീളമുള്ള ചരക്ക് നീക്കത്തെ മന്ദഗതിയിലാക്കുന്നു. കാനഡ പോസ്റ്റ് മാത്രമേ രാജ്യത്തിൻ്റെ ഗ്രാമീണ, വിദൂര ഭാഗങ്ങളിലേക്ക് ഡെലിവറി ചെയ്യുന്നുള്ളൂ എന്നതിനാൽ, കാലതാമസം നേരിടുന്ന ഷിപ്പ്മെൻ്റുകൾ പോലും ലഭ്യമല്ലാതായിട്ടുണ്ട്.
