വോണിൽ നടന്ന പ്രതിഷേധത്തിനിടെ ഡംപ് ട്രക്ക് ഡ്രൈവർക്ക് കുത്തേറ്റു

വെള്ളിയാഴ്ച ഉച്ചതിരിഞ്ഞ് വോണിൽ നടന്ന ഒരു റാലിയിൽ പങ്കെടുത്ത ഡംപ് ട്രക്ക് ഡ്രൈവർക്ക് കുത്തേറ്റതായി പോലീസും ഡ്രൈവർമാരെ പ്രതിനിധീകരിക്കുന്ന വ്യവസായ ഗ്രൂപ്പും അറിയിച്ചു. ഒന്റാറിയോ ഡംപ് ട്രക്ക് അസോസിയേഷന്റെ (ഒ‌ഡി‌ടി‌എ) നേതൃത്വത്തിൽ പ്രത്യേക ആവശ്യങ്ങളുടെ ഭാഗമായി നടന്ന റാലിയിൽ വച്ചാണ് സംഭവം. സംഭവം നടന്ന ഉടൻ ഹണ്ടിംഗ്ടൺ, ലാങ്‌സ്റ്റാഫ് റോഡുകളിലേക്ക് വളരെ വേഗത്തിൽ എത്തിച്ചേർന്നെന്നും തുടർനടപടികൾ സ്വീകരിച്ചെന്നും യോർക്ക് റീജിയണൽ പോലീസ് പറഞ്ഞു.
“ODTA (Ontario Dump Truck Association) യിലെ ഒരു അംഗം ശാരീരികമായി ആക്രമിക്കപ്പെട്ടു, അദ്ദേഹത്തെ ആശുപത്രിയിൽ എത്തിച്ചു. ഇന്ന് നടന്നത് തീർത്തും അസ്വീകാര്യമാണ്. പ്രതിഷേധിക്കുമ്പോൾ ആരും ഭീഷണികൾക്കും ആക്രമണങ്ങൾക്കും വിധേയരാകരുത് ” ഒഡിടിഎ പ്രസ്താവനയിൽ പറഞ്ഞു.
സംശയാസ്പദമായ വിവരങ്ങളോ മറ്റ് വിശദാംശങ്ങളോ ലഭ്യമായിട്ടില്ല.