മൺട്രിയോൾ : കെബെക്കിലെ ലാനൗഡിയർ മേഖലയിലെ ഫാമിൽ പക്ഷിപ്പനി സ്ഥിരീകരിച്ചു. മൺട്രിയോളിൽ നിന്നും ഏകദേശം 100 കിലോമീറ്റർ അകലെ സെൻ്റ്-ജീൻ-ഡി-മാതയ്ക്ക് സമീപമുള്ള കോഴി ഫാമിൽ ജനുവരി 31-ന് H5N1 ഏവിയൻ ഇൻഫ്ലുവൻസ വൈറസ് സ്ഥിരീകരിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി (CFIA) റിപ്പോർട്ട് ചെയ്തു.
അണുബാധ പടരാതിരിക്കാൻ ഈ മേഖലയിൽ നിയന്ത്രണങ്ങൾ ഏർപ്പെടുത്തിയതായി ഫെഡറൽ ഏജൻസി അറിയിച്ചു. 2022 ഏപ്രിലിൽ കെബെക്കിൽ കാട്ടുപക്ഷികളിൽ ഏവിയൻ ഫ്ലൂ കണ്ടെത്തിയതിന് ശേഷം ഈ വർഷം ഇതാദ്യമായാണ് പക്ഷിപ്പനി സ്ഥിരീകരിക്കുന്നത്. കഴിഞ്ഞ നവംബറിൽ പ്രവിശ്യയിലെ കോഴി ഫാമുകളിൽ രണ്ട് പക്ഷിപ്പനി കേസുകൾ CFIA കണ്ടെത്തിയിരുന്നു. കൂടാതെ പ്രവിശ്യയിലുടനീളം 58 സ്ഥലങ്ങളിൽ ഏവിയൻ ഫ്ലൂ കണ്ടെത്തിയിട്ടുണ്ട്. കൂടാതെ കെബെക്കിൽ മൊത്തം 1,465,500 പക്ഷികൾക്ക് പക്ഷിപ്പനി ബന്ധിച്ചതായി CFIA പറയുന്നു.
