ടൊറൻ്റോ : ശനിയാഴ്ച രാവിലെ ബർലിംഗ്ടണിൽ രണ്ട് വീടുകൾക്ക് തീപിടിച്ചതായി ഒൻ്റാരിയോ ഫയർ മാർഷൽ അറിയിച്ചു. ബ്രാൻ്റ് സ്ട്രീറ്റിന് സമീപമുള്ള മൗണ്ട് ഫോറസ്റ്റ് ഡ്രൈവിലുള്ള വീടുകൾക്കാണ് രാവിലെ പത്തരയോടെ തീപിടിച്ചത്. തീപിടിത്തത്തിൽ ഒരാൾക്ക് പരുക്കേറ്റതായി ഹാൽട്ടൺ പാരാമെഡിക്കുകൾ റിപ്പോർട്ട് ചെയ്തു. ഇയാളെ ആശുപത്രിയിൽ പ്രവേശിപ്പിച്ചു. അഗ്നിശമന സേനാംഗങ്ങൾ വീട്ടിൽ നടത്തിയ തിരച്ചിലിൽ ഒരു പൂച്ചയെ കണ്ടെത്തി രക്ഷപ്പെടുത്തി.
രണ്ടു വീടുകൾക്കും കാര്യമായ കേടുപാടുകൾ സംഭവിച്ചിട്ടുണ്ട്. തീ നിയന്ത്രണവിധേയമാക്കുന്നതായി ബർലിംഗ്ടൺ ഫയർ അറിയിച്ചു. തീപിടുത്തത്തിൻ്റെ കാരണവും വസ്തുവകകൾക്കുണ്ടായ നാശനഷ്ടവും വ്യക്തമല്ല. അതേസമയം തീ നിയന്ത്രണവിധേയമാക്കാൻ അഗ്നിശമന സേനാംഗങ്ങൾ തുടരുന്നതിനിടെ മെഡോബ്രൂക്ക് റോഡിനും റോയൽ ഡ്രൈവിനുമിടയിൽ മൗണ്ട് ഫോറസ്റ്റ് ഡ്രൈവ് അടച്ചു. സംഭവത്തിൽ അന്വേഷണം ആരംഭിച്ചു.
