കാൽഗറി : ആൽബർട്ട ചൂടുള്ള കാലാവസ്ഥ മാറാനൊരുങ്ങുന്നതിനാൽ വെസ്റ്റേൺ കാൽഗറി, കനനാസ്കിസ് കൺട്രി എന്നിവിടങ്ങളിൽ ഹിമപാത മുന്നറിയിപ്പ് നൽകി അവലാഞ്ച് കാനഡ. വാരാന്ത്യത്തിൽ ഈ മേഖലയിൽ കനത്ത ചൂടും താപനില ഇരട്ട അക്കത്തിൽ എത്തുന്നതും കാരണം വലുതും അപകടകരവുമായ ഹിമപാതം ഉണ്ടാകാനുള്ള സാധ്യത വർധിച്ചതായി ഏജൻസി പറയുന്നു.
ബ്രിട്ടിഷ് കൊളംബിയയിൽ ഹിമപാത അപകടസാധ്യത കൂടുതലാണെന്നും അവലാഞ്ച് കാനഡ മുന്നറിയിപ്പ് നൽകി. കഴിഞ്ഞ ആഴ്ച പ്രവിശ്യയുടെ ചില ഭാഗങ്ങളിൽ താപനില ഉയർന്നതോടെ ഹിമപാത അപകട സാധ്യത വർധിച്ചതായി ഏജൻസി അറിയിച്ചു. കഴിഞ്ഞ ആഴ്ചയിൽ, പ്രവിശ്യയിൽ നിരവധി ഹിമപാതങ്ങൾ ഉണ്ടായതായി ഫെഡറൽ ഏജൻസി പറയുന്നു. മാർച്ച് 24-ന്, ബ്രിട്ടിഷ് കൊളംബിയയിലെ കൂറ്റെനൈ മേഖലയിൽ ഉണ്ടായ ഹിമപാതത്തിൽ മൂന്ന് സ്കീയർമാർ കൊല്ലപ്പെടുകയും മറ്റൊരാൾക്ക് ഗുരുതരമായി പരുക്കേൽക്കുകയും ചെയ്തിരുന്നു. കൂടാതെ ഒരാഴ്ച മുമ്പ്, മാർച്ച് 14-ന്, ആൽബർട്ടയുടെ ബാക്ക്കൺട്രിയിലുണ്ടായ രണ്ടു ഹിമപാതത്തിൽ രണ്ട് സ്കീയർമാർ കൊല്ലപ്പെട്ടു.
