ഹാലിഫാക്സ് : ന്യൂബ്രൺസ്വിക്കിൽ ഒറ്റരാത്രികൊണ്ട് ഇന്ധനവില വർധിച്ചപ്പോൾ മറ്റു രണ്ടു മാരിടൈംസ് പ്രവിശ്യകളായ നോവസ്കോഷയിലും പ്രിൻസ് എഡ്വേഡ് ഐലൻഡിലും വില കുറഞ്ഞു.
നോവസ്കോഷ
പ്രവിശ്യയിൽ സാധാരണ പെട്രോളിന്‍റെ വില ഒറ്റരാത്രികൊണ്ട് 7.9 സെൻ്റ് കുറഞ്ഞു. ഹാലിഫാക്സ് മേഖലയിൽ പെട്രോളിന്‍റെ ഏറ്റവും കുറഞ്ഞ വില ഇപ്പോൾ ലിറ്ററിന് 135.2 സെൻ്റാണ്. നോവസ്കോഷയിൽ ഡീസൽ വിലയും കുറഞ്ഞു. ഡീസൽ വില ലിറ്ററിന് 8.5 സെൻ്റ് കുറഞ്ഞ് 141.1 സെൻ്റായി. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 137.1 സെൻ്റും ഡീസൽ ലിറ്ററിന് 143.0 സെൻ്റുമാണ് ഈടാക്കുന്നത്.
പ്രിൻസ് എഡ്വേഡ് ഐലൻഡ്
പ്രിൻസ് എഡ്വേഡ് ഐലൻഡിൽ സാധാരണ പെട്രോൾ വില 2.9 സെൻ്റ് കുറഞ്ഞ് ലിറ്ററിന് 145.6 സെൻ്റായി. അതേസമയം ദ്വീപിൽ ഡീസൽ വിലയും കുറഞ്ഞു. 2.9 സെൻ്റ് കുറവാണ് ഡീസൽ വിലയിൽ ഉണ്ടായത്. ഇതോടെ പ്രവിശ്യയിലെ ഡീസൽ വില ഇപ്പോൾ ലിറ്ററിന് 152.7 സെൻ്റാണ്.
ന്യൂബ്രൺസ്വിക്
ന്യൂബ്രൺസ്വിക്കിൽ പെട്രോൾ വില 1.4 സെൻ്റ് വർധിച്ചു. ലിറ്ററിന് 142.3 സെൻ്റാണ് ഇപ്പോളത്തെ പുതിയ വില. എന്നാൽ, പ്രവിശ്യയിൽ ഡീസൽ വില 5.5 സെൻ്റ് കുറഞ്ഞ് ലിറ്ററിന് 147.8 സെൻ്റായി.
