ടൊറൻ്റോ : മെയ് മാസത്തെ തണുപ്പുള്ള കാലാവസ്ഥയിൽ നിന്നും ടൊറൻ്റോ വേനൽച്ചൂടിലേക്ക് മാറുന്നു. നഗരത്തിൽ താപനില 30 ഡിഗ്രി സെൽഷ്യസിനടുത്ത് എത്തുമെന്ന് പരിസ്ഥിതി മന്ത്രാലയം റിപ്പോർട്ട് ചെയ്തു. തിങ്കളാഴ്ച 23 ഡിഗ്രി സെൽഷ്യസ് ആയിരിക്കും താപനില. ചൊവ്വാഴ്ച ടൊറൻ്റോയിൽ വീണ്ടും ചൂട് കൂടും. ചൊവ്വാഴ്ച ടൊറൻ്റോയിൽ 27 ഡിഗ്രി സെൽഷ്യസ് ആയിരിക്കും താപനില. എന്നാൽ, ഈർപ്പം കണക്കിലെടുക്കുമ്പോൾ 30 ഡിഗ്രി സെൽഷ്യസായി അനുഭവപ്പെടുമെന്ന് ദേശീയ കാലാവസ്ഥാ ഏജൻസി പറയുന്നു. ബുധനാഴ്ചയും 27 ഡിഗ്രി സെൽഷ്യസ് വരെ ഉയർന്ന താപനില പ്രതീക്ഷിക്കുന്നു. പക്ഷേ മഴ പെയ്യാൻ സാധ്യതയുണ്ട്.
വ്യാഴം, വെള്ളി ദിവസങ്ങളിൽ കൂടുതൽ മഴ പെയ്യാൻ സാധ്യതയുണ്ടെന്ന് കാലാവസ്ഥാ വകുപ്പ് പ്രവചിക്കുന്നു. പകൽ സമയത്തെ പരമാവധി താപനില ഓരോ ദിവസവും യഥാക്രമം 21 ഡിഗ്രി സെൽഷ്യസും 22 ഡിഗ്രി സെൽഷ്യസും ആയിരിക്കും. അതേസമയം ചൂടുള്ളതും വെയിലുള്ളതുമായ ഒരു വാരാന്ത്യമാണ് പ്രതീക്ഷിക്കുന്നത്. ശനിയാഴ്ച 23 ഡിഗ്രി സെൽഷ്യസും ഞായറാഴ്ച 24 ഡിഗ്രി സെൽഷ്യസും ആയിരിക്കും താപനില.
