ഓട്ടവ : ഈ ആഴ്ചയിലെ രണ്ടാമത്തെ എക്സ്പ്രസ് എൻട്രി നറുക്കെടുപ്പിലൂടെ 3000 ഉദ്യോഗാർത്ഥികൾക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. കനേഡിയൻ എക്സ്പീരിയൻസ് ക്ലാസ് (CEC) ഉദ്യോഗാർത്ഥികൾക്കായി നടത്തിയ ഈ നറുക്കെടുപ്പിൽ 521 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ളവരെയാണ് പരിഗണിച്ചത്.
ഇന്ന് നടന്നത് ഈ മാസത്തെ ആറാമത്തെ എക്സ്പ്രസ് എൻട്രി നറുക്കെടുപ്പായിരുന്നു. ജൂൺ 3, 10, 23 തീയതികളിൽ പിഎൻപി, ജൂൺ 4-ന് ഹെൽത്ത് കെയർ, സോഷ്യൽ സർവീസസ്, ജൂൺ 12-ന് സിഇസി എന്നിങ്ങനെ അഞ്ച് എക്സ്പ്രസ് എൻട്രി നറുക്കെടുപ്പുകൾ ഐആർസിസി നടത്തിയിട്ടുണ്ട്. ഇതുവരെ, IRCC 2025-ൽ എക്സ്പ്രസ് എൻട്രി സിസ്റ്റം വഴി 41,845 അപേക്ഷകർക്ക് ഇൻവിറ്റേഷൻ നൽകിയിട്ടുണ്ട്.
2025-ൽ കൂടുതലും പിഎൻപി ഉദ്യോഗാർത്ഥികളെ കേന്ദ്രീകരിച്ചാണ് എക്സ്പ്രസ് എൻട്രി നറുക്കെടുപ്പുകൾ നടത്തിയത്. ബാക്കിയുള്ള എക്സ്പ്രസ് എൻട്രി ഐടിഎകൾ സിഇസി, ഫ്രഞ്ച് ഭാഷാ പ്രാവീണ്യമുള്ളവർ, എക്സ്പ്രസ് എൻട്രിയുടെ മുൻഗണനാ വിഭാഗങ്ങളിലുള്ളവർക്കും വേണ്ടി നീക്കിവച്ചിരിക്കുന്നു.
