ഹാലിഫാക്സ് : നീണ്ട വാരാന്ത്യത്തിന് മുന്നോടിയായി മാരിടൈംസ് പ്രവിശ്യകളിൽ പെട്രോൾ വില വർധിച്ചു. അതേസമയം ഡീസൽ വില കുറഞ്ഞു.
നോവസ്കോഷ
പ്രവിശ്യാ തലസ്ഥാനമായ ഹാലിഫാക്സ് മേഖലയിൽ സാധാരണ പെട്രോളിന്‍റെ വില 2.8 സെൻ്റ് വർധിച്ചു. ലിറ്ററിന് 145.7 സെൻ്റാണ് പുതിയ വില. അതേസമയം പ്രവിശ്യയിൽ ഡീസൽ വില ഇടിഞ്ഞു. ഡീസൽ വില 2.7 സെൻ്റ് കുറഞ്ഞ് ലിറ്ററിന് 153.0 സെൻ്റായി. നോവസ്കോഷയിലെ മറ്റൊരു പ്രധാന പട്ടണമായ കെയ്പ് ബ്രെറ്റണിൽ സാധാരണ പെട്രോളിന്‍റെ വില ലിറ്ററിന് 147.6 സെന്റും ഡീസലിന്‍റെ വില ലിറ്ററിന് 155.0 സെന്റും ആണ്.
പ്രിൻസ് എഡ്വേഡ് ഐലൻഡ്
പി.ഇ.ഐയിലെ സാധാരണ പെട്രോളിന്‍റെ വില 3.4 സെൻ്റ് വർധിച്ച് ലിറ്ററിന് 151.3 സെൻ്റായി. എന്നാൽ, ഡീസൽ വില 1.1 സെൻ്റ് കുറഞ്ഞു. പുതിയ ഏറ്റവും കുറഞ്ഞ വില ലിറ്ററിന് 163.1 സെൻ്റ് ആണ്.
ന്യൂബ്രൺസ്വിക്
ന്യൂബ്രൺസ്വിക്കിൽ സാധാരണ പെട്രോൾ വില ലിറ്ററിന് 1.9 സെൻ്റ് വർധിച്ചു. ഇതോടെ പ്രവിശ്യയിൽ ഒരു ലിറ്റർ പെട്രോളിന് 146.9 സെൻ്റ് നൽകണം. അതേസമയം പ്രവിശ്യയിലെ ഡീസൽ വിലയിൽ 1.9 സെൻ്റിന്‍റെ ഇടിവുണ്ടായി. ഇപ്പോൾ ലിറ്ററിന് 156.8 സെൻ്റാണ് ഡീസലിന് ഈടാക്കുന്നത്.
