എഡ്മിന്‍റൻ : നിയന്ത്രണാതീതമായി കത്തുന്ന കാട്ടുതീ കാരണം തെക്കുകിഴക്കൻ ആൽബർട്ട നഗരത്തിൽ അടിയന്തര ജാഗ്രതാ നിർദ്ദേശം നൽകി. കാൽഗറിയിൽ നിന്ന് ഏകദേശം 275 കിലോമീറ്റർ അകലെയുള്ള ഡൺമോർ കമ്മ്യൂണിറ്റിയുടെ കിഴക്ക് ഭാഗത്താണ് കാട്ടുതീ ഉണ്ടായത്. കാട്ടുതീ വീടുകൾക്കും മറ്റു കെട്ടിടങ്ങൾക്കും ഭീഷണിയാണെന്ന് അധികൃതർ മുന്നറിയിപ്പ് നൽകി.
പടിഞ്ഞാറ് നിന്ന് ശക്തമായ കാറ്റ് പ്രതീക്ഷിക്കുന്നതിനാൽ കാട്ടുതീ അതിവേഗം പടരുമെന്നതിനാൽ ഹൈവേ 1-ന് തെക്ക് ഭാഗത്തുള്ള തീപിടുത്തത്തിന്‍റെ തൊട്ടടുത്ത പ്രദേശത്തുള്ളവർ സുരക്ഷിതമാണെങ്കിൽ കൂടി റേഞ്ച് റോഡ് 40 വഴി ഒഴിഞ്ഞുപോകണമെന്ന് നിർദ്ദേശിച്ചിട്ടുണ്ട്. മരങ്ങൾ, സസ്യങ്ങൾ, പെട്ടെന്ന് തീപിടിക്കുന്ന കെട്ടിടങ്ങൾ എന്നിവിടങ്ങളിൽ നിന്നും ഒഴിഞ്ഞു തുറന്ന സ്ഥലത്ത് അഭയം തേടണം.
