ന്യൂഡൽഹി: ഡൽഹിയിലെ അതീവ സുരക്ഷാ മേഖലയായ ചെങ്കോട്ടയ്ക്ക് സമീപമുണ്ടായ ഇരട്ടസ്ഫോടനത്തില് ഒൻപത് പേർ മരിച്ചതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു. 25 പേർക്ക് പരിക്കേറ്റിട്ടുണ്ട്. ഇതിൽ എട്ടോളം പേരുടെ നില ഗുരുതരമാണ്. മരണസംഖ്യ ഉയരുമെന്ന് ആശങ്കയുണ്ട്. ഒരാൾ കസ്റ്റഡിയിലാണ്.തിങ്കളാഴ്ച രാത്രി ഏഴുമണിയോടെയാണ് തലസ്ഥാനത്തെ ഞെട്ടിച്ച സ്ഫോടനമുണ്ടായത്. മെട്രോ സ്റ്റേഷന് സമീപത്ത് കാര് പൊട്ടിത്തെറിക്കുകയായിരുന്നെന്നാണ് ദൃക്സാക്ഷികള് പറയുന്നത്. രണ്ടുകാറുകള് ഒരേസമയം പൊട്ടിത്തെറിക്കുകയായിരുന്നെന്നും തുടര്ന്ന് സമീപത്തുണ്ടായിരുന്ന മറ്റു വാഹനങ്ങളിലേക്ക് തീ പടരുകയായിരുന്നെന്നുമാണ് വിവരം. ബോംബ് സ്ക്വാഡ് അടക്കം സംഭവസ്ഥലത്തെത്തി. കേന്ദ്ര ആഭ്യന്തര മന്ത്രി അമിത് ഷാ ഡല്ഹി പൊലീസ് കമ്മിഷണറുമായി ഫോണില് സംസാരിച്ചു. അമിത് ഷാ ഉടന് സംഭവസ്ഥലത്തെത്തും. സ്വാതന്ത്ര്യദിനത്തില് പ്രധാനമന്ത്രി ദേശീയ പതാക ഉയര്ത്തുന്ന ചെങ്കോട്ടയ്ക്ക് സമീപം നടന്ന സ്ഫോടനം അതീവ ഗൗരവത്തോടെയാണ് സുരക്ഷ സേനകള് നോക്കിക്കാണുന്നത്. നിരവധി വിനോദ സഞ്ചാരികള് വരുന്ന മേഖലയാണിത്. രാജ്യത്തെ ഏറ്റവും വലിയ മാര്ക്കറ്റുകളില് ഒന്നായ ചാന്ദ്നി ചൗക്കിനും സമീപമാണ് സ്ഫോടനം നടന്ന സ്ഥലം.
സ്ഫോടന കാരണം സംബന്ധിച്ച ഔദ്യോഗിക വിശദീകരണം ലഭ്യമായിട്ടില്ല.തിങ്കളാഴ്ച രാത്രി ഏഴുമണിയോടെയാണ് തലസ്ഥാനത്തെ ഞെട്ടിച്ച സ്ഫോടനമുണ്ടായത്. മെട്രോ സ്റ്റേഷന് സമീപത്ത് കാര് പൊട്ടിത്തെറിക്കുകയായിരുന്നെന്നാണ് ദൃക്സാക്ഷികള് പറയുന്നത്. രണ്ടുകാറുകള് ഒരേസമയം പൊട്ടിത്തെറിക്കുകയായിരുന്നെന്നും തുടര്ന്ന് സമീപത്തുണ്ടായിരുന്ന മറ്റു വാഹനങ്ങളിലേക്ക് തീ പടരുകയായിരുന്നെന്നുമാണ് വിവരം. സ്ഫോടന കാരണം സംബന്ധിച്ച ഔദ്യോഗിക വിശദീകരണം ലഭ്യമായിട്ടില്ല.ചെങ്കോട്ട മെട്രോസ്റ്റേഷന്റെ ഒന്നാംനമ്പര് ഗേറ്റിന് സമീപത്തായിരുന്നു കാര് പൊട്ടിത്തെറിച്ചത്. കാറിന് സമീപത്തുണ്ടായിരുന്ന നാലോളം വാഹനങ്ങള്ക്ക് തീപിടിച്ച് പൂര്ണമായും തകര്ന്നു. മുപ്പതികലധികം വാഹനങ്ങള്ക്ക് കേടുപാട് സംഭവിച്ചിട്ടുണ്ട്. പരിക്കേറ്റവരെ ലോക് നായിക് ജയപ്രകാശ് ആശുപത്രിയില് പ്രവേശിപ്പിച്ചിട്ടുണ്ട്.
വിവരമറിഞ്ഞ് ഡല്ഹി അഗ്നിരക്ഷാസേനയുടെ ഇരുപതോളം യൂണിറ്റുകള് സംഭവസ്ഥലത്തെത്തി രക്ഷാപ്രവര്ത്തനം നടത്തി. അരമണിക്കൂറിനുള്ളില് തീ നിയന്ത്രണവിധേയമാക്കിയെന്ന് റിപ്പോര്ട്ടുകളില് പറയുന്നു. സംഭവത്തെത്തുടര്ന്ന് മെട്രോസ്റ്റേഷന് പരിസരം പൂര്ണമായും പോലീസിന്റെ നിയന്ത്രണത്തിലാക്കി. മേഖലയില്നിന്ന് ജനങ്ങളെ ഒഴിപ്പിച്ചു. പരിശോധന നടത്താനായി ഫൊറന്സിക് സംഘം ഉള്പ്പെടെ സ്ഥലത്തെത്തിയിട്ടുണ്ട്. റോഡിനു നടുവിലാണ് സ്ഫോടനം നടന്നത്. പ്രദേശത്ത് ഒരാളുടെ മൃതശരീരം ചിതറികിടക്കുന്നതിന്റെ ദൃശ്യങ്ങള് സമൂഹ മാധ്യമങ്ങളില് പ്രചരിക്കുന്നുണ്ട്. സ്ഫോടന ശബ്ദം കേട്ട ഉടന് ആളുകള് പരിഭ്രാന്തരാവുകയും ഓടുകയുമായിരുന്നു. കാറിനു സമീപമുണ്ടായിരുന്ന പലര്ക്കും പരുക്കേറ്റു. പരുക്കേറ്റവരെ എല്എന്ജിപി ആശുപത്രിയിലേക്ക് മാറ്റി.
