ഓട്ടവ : ഇ. കോളി മലിനീകരണ സാധ്യതയുള്ളതിനാൽ നോൺ-നെയിം ബ്രാൻഡ് ബീഫ് ബർഗറുകൾ രാജ്യവ്യാപകമായി തിരിച്ചുവിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി (CFIA) അറിയിച്ചു. 1.36 കിലോഗ്രാം പായ്ക്ക് നെയിം ബ്രാൻഡ് നോൺ-നെയിം ബ്രാൻഡ് ബീഫ് ബർഗറുകളാണ് തിരിച്ചുവിളിച്ച ഉൽപ്പന്നം.
പരിശോധനാ ഫലങ്ങളുടെ അടിസ്ഥാനത്തിലാണ് തിരിച്ചുവിളിക്കാൻ കാരണമായതെന്നും ഭക്ഷ്യ സുരക്ഷാ അന്വേഷണം നടക്കുന്നുണ്ടെന്നും മറ്റ് ഉൽപ്പന്നങ്ങൾ തിരിച്ചുവിളിക്കാൻ സാധ്യതയുണ്ടെന്നും CFIA പറയുന്നു. ഈ തിരിച്ചുവിളിക്കലുമായി ബന്ധപ്പെട്ട അസുഖങ്ങളൊന്നും റിപ്പോർട്ട് ചെയ്തിട്ടില്ല. തിരിച്ചുവിളിച്ച ഉൽപ്പന്നവുമായി ബന്ധപ്പെട്ട് ആരോഗ്യപ്രശ്നങ്ങൾ ഉണ്ടെങ്കിൽ, ഉടൻ ഡോക്ടറുമായി ബന്ധപ്പെണം. തിരിച്ചുവിളിച്ച ഉൽപ്പന്നം കഴിക്കുകയോ ഉപയോഗിക്കുകയോ വിൽക്കുകയോ വിതരണം ചെയ്യുകയോ അരുതെന്ന് ഏജൻസി നിർദ്ദേശിച്ചു. ഇ.കോളി കലർന്ന ഭക്ഷണം കേടായി കാണപ്പെടുകയോ ചീത്ത മണമുണ്ടാവുകയോ ഇല്ല. പക്ഷേ കഴിച്ചാൽ അത് കടുത്ത അസുഖത്തിന് കാരണമാകുമെന്നും ഭക്ഷ്യ ഏജൻസി മുന്നറിയിപ്പ് നൽകി.
