ഓട്ടവ : കാനഡയിലേക്ക് കുടിയേറാൻ ആഗ്രഹിക്കുന്നവർക്ക് ഏറെ പ്രതീക്ഷ നൽകികൊണ്ട് എക്സ്പ്രസ് എൻട്രി സിസ്റ്റം വഴി അപേക്ഷിക്കാൻ 6,000 ഉദ്യോഗാർത്ഥികൾക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. കനേഡിയൻ എക്സ്പീരിയൻസ് ക്ലാസ് (CEC) ഉദ്യോഗാർത്ഥികൾക്കായി നടത്തിയ ഈ നറുക്കെടുപ്പിൽ സമഗ്ര റാങ്കിംഗ് സിസ്റ്റം (CRS) സ്കോർ 509 ഉള്ളവരെയാണ് പരിഗണിച്ചത്.
ഈ വർഷത്തെ മൂന്നാമത്തെയും 2026 ലെ രണ്ടാമത്തെ വലിയ CEC നറുക്കെടുപ്പുമാണ് ഇന്ന് നടന്നത്. 2026-ലെ ആദ്യ മാസത്തിൽ, രണ്ട് എക്സ്പ്രസ് എൻട്രി നറുക്കെടുപ്പുകളിലൂടെ IRCC ഇതിനകം 14,000 ITA-കൾ CEC ഉദ്യോഗാർത്ഥികൾക്ക് നൽകിയിട്ടുണ്ട്. ഇന്നത്തെ നറുക്കെടുപ്പിലും അതിനു മുമ്പുള്ള CEC നറുക്കെടുപ്പിലും 2024 സെപ്റ്റംബർ മുതലുള്ള ഏറ്റവും കുറഞ്ഞ സ്കോർ കട്ട്-ഓഫുകൾ ഉണ്ടായിരുന്നു. 2026-ൽ ഇതുവരെ, IRCC എക്സ്പ്രസ് എൻട്രി സിസ്റ്റം വഴി 15,255 ITA-കൾ നൽകിയിട്ടുണ്ട്.
