ഓട്ടവ: പെറുവിലെ പ്രമുഖ സ്വകാര്യ ഊർജ്ജ ഉൽപ്പാദന കമ്പനിയായ Inkia എനർജിയുടെ 50% ഓഹരികൾ ഏറ്റെടുത്ത് കാനഡ പെൻഷൻ പ്ലാൻ ഇൻവെസ്റ്റ്മെന്റ് ബോർഡ് (CPP Investments). പ്രമുഖ നിക്ഷേപ സ്ഥാപനമായ ഐ സ്ക്വയേർഡ് ക്യാപിറ്റലുമായി (I Squared Capital) ചേർന്നാണ് ഈ വൻ നിക്ഷേപം നടത്തുന്നത്. ഏകദേശം 34 കോടി ഡോളർ മൊത്തം മൂല്യം കണക്കാക്കുന്ന കരാറിലൂടെയാണ് സിപിപി ഇൻവെസ്റ്റ്മെന്റ്സ് ഈ പങ്കാളിത്തം ഉറപ്പാക്കിയത്.
2017 മുതൽ inkiaയിൽ നിക്ഷേപമുള്ള ഐ സ്ക്വയേർഡ് ക്യാപിറ്റൽ ബാക്കി 50% ഓഹരികൾ തുടർന്നും കൈവശം വയ്ക്കുമെന്ന് അറിയിച്ചു. Kallpa Generación, Orazul Energy Peru എന്നീ ഉപകമ്പനികളിലൂടെ പെറുവിലെ ഊർജ്ജ മേഖലയിൽ ശക്തമായ സാന്നിധ്യമാണ് കമ്പനിക്കുള്ളത്. ഉയർന്ന നിലവാരമുള്ള ബിസിനസുകളിൽ ദീർഘകാല നിക്ഷേപം നടത്തുക എന്ന തങ്ങളുടെ നയത്തിന് അനുയോജ്യമായ പ്ലാറ്റ്ഫോമാണ് inkia യുടേതെന്ന് സിപിപി ഇൻവെസ്റ്റ്മെന്റ്സ് സുസ്ഥിര ഊർജ്ജ വിഭാഗം മേധാവി ബിൽ റോജേഴ്സ് വ്യക്തമാക്കി.
സർക്കാരിന്റെ അംഗീകാരങ്ങൾക്കും മറ്റ് നിയമപരമായ നടപടികൾക്കും വിധേയമായിട്ടായിരിക്കും ഈ ഇടപാട് പൂർത്തിയാകുക. സുസ്ഥിര ഊർജ്ജ മേഖലയിൽ ആഗോളതലത്തിൽ തങ്ങളുടെ സാന്നിധ്യം ശക്തമാക്കുന്നതിന്റെ ഭാഗമായാണ് കാനഡ പെൻഷൻ പ്ലാൻ ഇൻവെസ്റ്റ്മെന്റ് ബോർഡിന്റെ ഈ വലിയ നീക്കം.
