ടൊറൻ്റോ: പ്രിയപ്പെട്ട ഒരാളുടെ ചിതാഭസ്മവുമായി ജന്മനാട്ടിലേക്ക് യാത്ര ചെയ്യേണ്ടി വരുന്നത് എല്ലാവർക്കും ഏറെ ബുദ്ധിമുട്ടുള്ള കാര്യമാണ്. അതിനൊപ്പം ചിതാഭസ്മം നാട്ടിലേക്കെത്തിക്കുന്നതിന് ആവശ്യമായ രേഖകൾ ലഭിക്കുന്നതിന് കാലതാമസം നേരിടേണ്ടി വരുന്നതും മാനസികപ്രയാസം ഇരട്ടിയാക്കുന്നു. എന്നാൽ, ഇപ്പോൾ ചിതാഭസ്മം നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങൾ ലഘൂകരിച്ചിരിക്കുകയാണ് ടൊറൻ്റോയിലെ ഇന്ത്യൻ കോൺസുലേറ്റ്. ഡെത്ത് സർട്ടിഫിക്കറ്റ്, സ്റ്റേറ്റ്മെൻ്റ് ഓഫ് ഡെത്ത്, ഫോം 16 (ഒൻ്റാരിയോ നിവാസികൾക്ക്), ബെറിയൽ പെർമിറ്റ് പോലുള്ള ഏതൊരു രേഖയും ഇനി മുതൽ ചിതാഭസ്മം (ചാരം) ഇന്ത്യയിലേക്ക് കൊണ്ടുപോകുന്നതിനുള്ള സാധുവായ രേഖയായി അംഗീകരിക്കപ്പെടും. അതേസമയം ബാക്കി നടപടിക്രമങ്ങൾ അതേപടി തുടരുന്നു. മുമ്പ്, ചിതാഭസ്മം ഇന്ത്യയിലേക്ക് കൊണ്ടുപോകുന്നതിന് ഡെത്ത് സർട്ടിഫിക്കറ്റ് മാത്രമേ സ്വീകരിച്ചിരുന്നുള്ളൂ. ഈ രേഖ ലഭിക്കുന്നത് സമയമെടുക്കുമെന്ന് തിരിച്ചറിഞ്ഞതോടെയാണ്, ഈ രേഖകൾ സ്വീകരിക്കുന്നതിനുള്ള സമയം വിപുലീകരിച്ചിരിക്കുന്നത്. വിശദവിവരങ്ങൾക്ക് www.cgitoronto.gov.in എന്ന വെബ്സൈറ്റ് സന്ദർശിക്കുക.
മരണപ്പെട്ട വ്യക്തിയുടെ മൃതദേഹം/ചിതാഭസ്മം ഇന്ത്യയിലേക്ക് കൊണ്ടുപോകുന്നതിന് അനുവദിക്കുന്നതിനായി ഇന്ത്യൻ കോൺസുലേറ്റ് ഒരു നോ ഒബ്ജക്ഷൻ സർട്ടിഫിക്കറ്റ് നൽകുന്നു. തിങ്കൾ മുതൽ വെള്ളി വരെ രാവിലെ ഒമ്പത് മുതൽ പതിനൊന്നര വരെ കോൺസുലേറ്റിൽ അപേക്ഷ സമർപ്പിക്കാം. GTA മേഖലയ്ക്ക് പുറത്ത് താമസിക്കുന്ന അപേക്ഷകർക്ക് “കോൺസുലേറ്റ് ജനറൽ ഓഫ് ഇന്ത്യ, ടൊറൻ്റോ സ്യൂട്ട് 700, 365 ബ്ലോർ സ്ട്രീറ്റ് ഈസ്റ്റ്, ടൊറൻ്റോ, M4W 3L4” എന്ന വിലാസത്തിലുള്ള കോൺസുലേറ്റിലേക്ക് തപാൽ വഴി അപേക്ഷ അയയ്ക്കാം
