ടൊറൻ്റോ : തെക്കൻ ഒൻ്റാരിയോയിലെ ചില ഭാഗങ്ങളിൽ ഫ്രീസിങ് റെയിന് സാധ്യതയുണ്ടെന്ന് എൻവയൺമെൻ്റ് കാനഡയുടെ മുന്നറിയിപ്പ്. കൂടാതെ ഗ്രേറ്റർ ടൊറൻ്റോ മേഖലയിൽ ഐസ് അടിഞ്ഞുകൂടാൻ സാധ്യതയുണ്ടെന്നും മുന്നറിയിപ്പിൽ പറയുന്നു. ഗ്വൽഫ്, ഹാൽട്ടൺ ഹിൽസ്, കിച്ചനർ, വാട്ടർലൂ, മറ്റ് കമ്മ്യൂണിറ്റികൾ എന്നിവിടങ്ങളിൽ മുന്നറിയിപ്പ് ബാധകമായിരിക്കും. മിസ്സിസാഗ, ബ്രാംപ്ടൺ, ഓഷവ, ടൊറൻ്റോ എന്നിവിടങ്ങളിൽ വെള്ളിയാഴ്ച രാവിലെ ഫ്രീസിങ് റെയിൻ പ്രതീക്ഷിക്കുന്നു. 2 മുതൽ 5 മില്ലിമീറ്റർ വരെ മഞ്ഞുവീഴ്ചയും പ്രതീക്ഷിക്കുന്നു.
ഫ്രീസിങ് റെയിനും മഞ്ഞുവീഴ്ചയും കൂടിച്ചേരുമ്പോൾ റോഡുകളും നടപ്പാതകളും മഞ്ഞുമൂടിയതും വഴുക്കലുള്ളതുമാകാൻ സാധ്യതയുണ്ട്, കാലാവസ്ഥാ ഏജൻസി അറിയിച്ചു. പ്രതികൂല കാലാവസ്ഥ തിരക്കുള്ള സമയത്തെ ഗതാഗതത്തിൽ കാര്യമായ സ്വാധീനം ചെലുത്തിയേക്കാം. പ്രാദേശിക യൂട്ടിലിറ്റി തടസ്സങ്ങൾക്കും സാധ്യതയുണ്ട്. കൂടാതെ തെന്നി വീണ് പരുക്കേൽക്കാനുള്ള സാധ്യതയും കൂടുതലാണെന്ന് കാലാവസ്ഥാ വകുപ്പ് അറിയിച്ചു.
