മൺട്രിയോൾ : ഗ്രേറ്റർ മൺട്രിയോൾ മേഖലയിൽ ഇന്ന് രാത്രി മുതൽ ഫ്രീസിങ് റെയിൻ ആരംഭിക്കുമെന്ന് എൻവയൺമെൻ്റ് കാനഡ മുന്നറിയിപ്പ് നൽകി. ബുധനാഴ്ച രാത്രിയിൽ ആരംഭിച്ച് വ്യാഴാഴ്ച പുലർച്ചെ വരെ മഞ്ഞുമൂടിയ കാലാവസ്ഥ തുടരുമെന്ന് പ്രതീക്ഷിക്കുന്നു.
ചൂടുള്ള കാലാവസ്ഥയ്ക്ക് ശേഷം താപനില കുറയുന്നതോടെ വൈകുന്നേരം മഞ്ഞുവീഴ്ചയ്ക്ക് കാരണമാകും. തുടർന്ന് ഫ്രീസിങ് റെയിനും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. രണ്ടു മില്ലിമീറ്റർ വരെ ഫ്രീസിങ് റെയിൻ ഉണ്ടായേക്കാം. വ്യാഴാഴ്ച രാവിലെ മഞ്ഞുമൂടിയതും വഴുക്കലുള്ളതുമായ റോഡുകൾ കാരണം ഗതാഗതക്കുരുക്കിന് കാരണമായേക്കാമെന്നും ഫെഡറൽ ഏജൻസി മുന്നറിയിപ്പ് നൽകി.
