ഓട്ടവ : ഇന്ധനവിലയിലുണ്ടായ വലിയ വർധനയെ തുടർന്ന് കാനഡയിലെ പണപ്പെരുപ്പ നിരക്ക് ജൂലൈയിൽ 3 ശതമാനമായി ഉയർന്നു. ജൂണിൽ രേഖപ്പെടുത്തിയ നിരക്കിനേക്കാൾ വർധനവാണ് ജൂലൈയിൽ ഉണ്ടായത്.
സ്റ്റാറ്റിസ്റ്റിക്സ് കാനഡ പുറത്തുവിട്ട പ്രതിമാസ കണക്കുകൾ പ്രകാരം ജൂലൈയിൽ പെട്രോൾ വില കഴിഞ്ഞ വർഷം ഇതേ മാസത്തേക്കാൾ 25.7 ശതമാനം ഉയർന്നു. ജൂണിൽ പെട്രോൾ വിലയിലെ വാർഷിക വർധന 20.5 ശതമാനമായിരുന്നു.
മിഡിൽ ഈസ്റ്റിലെ സംഘർഷവും ഹോർമുസ് കടലിടുക്കിലെ കപ്പൽ ഗതാഗതം തടസ്സപ്പെട്ടതും ജൂലൈ അവസാനത്തോടെ റെഡ് സീ വഴിയുള്ള ചരക്ക് ഗതാഗതത്തിൽ ഉണ്ടായ ഭാഗിക തടസ്സങ്ങളുമാണ് ഇന്ധനവില ഉയരാൻ പ്രധാന കാരണങ്ങളായി അധികൃതർ ചൂണ്ടിക്കാട്ടുന്നത്.
അതേസമയം, പുതിയ 50 ശതമാനം യുഎസ് തീരുവകൾ ഈ ആഴ്ച പ്രാബല്യത്തിൽ വരുമോ എന്നതും സാമ്പത്തിക വിദഗ്ധർ നിരീക്ഷിക്കുന്നുണ്ട്. പുതിയ തീരുവകൾ ഉപഭോക്തൃ വില സൂചികയെയും കാനഡയിലെ പണപ്പെരുപ്പത്തെയും എങ്ങനെ ബാധിക്കുമെന്നത് വരും മാസങ്ങളിൽ നിർണായകമാകും.
