എഡ്മിൻ്റൺ : എഡ്മിൻ്റണിലെ നനക്സർ ഗുരുദ്വാര ഗുർസിഖ് ക്ഷേത്രത്തിൽ പുലർച്ചെയുണ്ടായ ആക്രമ സംഭവത്തിൽ രണ്ട് പുരോഹിതന്മാർക്ക് പരിക്ക്. സംഭവവുമായി ബന്ധപ്പെട്ട് ഒരാളെ പോലീസ് അറസ്റ്റ് ചെയ്തു.
ഞായറാഴ്ച പുലർച്ചെ ഏകദേശം 5:08നാണ് സംഭവം റിപ്പോർട്ട് ചെയ്തത്. പരിക്കേറ്റ രണ്ട് പുരോഹിതന്മാർക്കും സ്ഥലത്തുവെച്ച് തന്നെ ചികിത്സ നൽകി. ഇവരുടെ പരിക്ക് ജീവന് ഭീഷണിയല്ലെന്നാണ് അധികൃതർ വ്യക്തമാക്കിയത്.
ഗുരുദ്വാരയിൽ വിശുദ്ധ ഗ്രന്ഥത്തിന് കേടുപാടുകൾ വരുത്താൻ ശ്രമിച്ച ഒരാളെ തടയുന്നതിനിടെയാണ് ആക്രമണം നടന്നതെന്നാണ് ക്ഷേത്രവുമായി ബന്ധപ്പെട്ട ഒരു സ്രോതസ്സ് പറയുന്നത്. സംഭവത്തെ തുടർന്ന് പോലീസ് അന്വേഷണം ആരംഭിച്ചു.
സംഭവത്തിൽ ഗുരുദ്വാര അധികൃതരും സിഖ് സമൂഹവും ആശങ്ക രേഖപ്പെടുത്തി. ആരാധനാലയങ്ങളുടെ സുരക്ഷ കൂടുതൽ ശക്തമാക്കേണ്ടതിന്റെ ആവശ്യകതയും സംഭവത്തിന് പിന്നാലെ ഉയർന്നിട്ടുണ്ട്.
അന്വേഷണം പുരോഗമിക്കുന്നതിനാൽ സംഭവത്തിന്റെ കൂടുതൽ വിശദാംശങ്ങൾ പോലീസ് പുറത്തുവിട്ടിട്ടില്ല.
