ആൽബർട്ട കാനഡയിൽ നിന്ന് വേർപെടണമെന്ന ആവശ്യവുമായി ബന്ധപ്പെട്ട് മുൻ കനേഡിയൻ പ്രധാനമന്ത്രി സ്റ്റീഫൻ ഹാർപർ മുന്നറിയിപ്പുമായി രംഗത്ത്. വിഘടനത്തെ പിന്തുണയ്ക്കുന്നതിനുള്ള വോട്ട് വെറും രാഷ്ട്രീയ സന്ദേശം നൽകാനുള്ള മാർഗമായി കാണുന്നത് അപകടകരമാണെന്നാണ് ഹാർപർ അഭിപ്രായപ്പെട്ടത്.
ഭൂരിഭാഗം ആളുകളും യഥാർത്ഥത്തിൽ രാജ്യം വിട്ടുപോകാൻ ആഗ്രഹിക്കുന്നതിനേക്കാൾ രാഷ്ട്രീയ അസംതൃപ്തി പ്രകടിപ്പിക്കുന്നതിനായാണ് ഇത്തരം വോട്ടുകളെ കാണുന്നതെന്നായിരുന്നു അദ്ദേഹത്തിന്റെ പരാമർശം. എന്നാൽ അത്തരത്തിലുള്ള വോട്ടുകൾക്ക് ദീർഘകാല പ്രത്യാഘാതങ്ങളുണ്ടാകാമെന്നും അദ്ദേഹം ചൂണ്ടിക്കാട്ടി.
ഫെഡറൽ സംവിധാനത്തിനുള്ളിൽ തന്നെ ആൽബർട്ടയ്ക്ക് കൂടുതൽ രാഷ്ട്രീയ സ്വാധീനം നേടാനുള്ള മാർഗങ്ങൾ ഉണ്ടെന്നാണ് ഹാർപറിന്റെ നിലപാട്. അതേസമയം, ആൽബർട്ടയുടെ സാമ്പത്തിക-രാഷ്ട്രീയ താൽപര്യങ്ങളും കാനഡയുടെ ദേശീയ ഐക്യവും സംബന്ധിച്ച ചർച്ചകൾ ഈ വിഷയത്തോടെ വീണ്ടും സജീവമായിരിക്കുകയാണ്.
