അഖില സുരേഷ്
ചോക്ലേറ്റ് കഴിക്കാൻ ഇഷ്ടപ്പെടാത്ത ആളുകളുണ്ടോ നമുക്കിടയിൽ ? അത് നാവിന് നൽകും സ്വർഗ്ഗീയ രുചി ഏതൊളുടേയും മാനസികാവസ്ഥയെ പോലും മെച്ചപ്പെടുത്താൻ മികച്ചതാണ്. എന്നാൽ ഈ അത്ഭുത ചേരുവയ്ക്ക് രുചിയുടെ കാര്യത്തിൽ മാത്രമല്ല ചർമസംരക്ഷണത്തിൻ്റെ കാര്യത്തിലും ധാരാളം ഗുണങ്ങൾ നൽകുമെന്നുള്ള കാര്യം നിങ്ങൾക്കറിയാമോ? ഡാർക്ക് ചോക്ലേറ്റിൽ ആന്റിഓക്സിഡന്റുകൾ നിരവധിയായി അടങ്ങിയിട്ടുണ്ട്. ഇത് ചർമത്തിൽ ഉണ്ടാകാൻ സാധ്യതയുള്ള ഫ്രീ റാഡിക്കലുകളിൽ നിന്നും സംരക്ഷണം നൽകുകയും ചർമ്മത്തിൻ്റെ കേടുപാടുകളെ പരിഹരിക്കുകയും ചെയ്യുന്നു. നിർജ്ജീവ ചർമ്മ കോശങ്ങളിൽ നിന്ന് മുക്തി നേടാനും ചർമ്മത്തെ കൂടുതൽ ഈർപ്പമുള്ളതാക്കി മാറ്റാനുമെല്ലാം നിങ്ങളുടെ സൗന്ദര്യസംരക്ഷണത്തിൽ ഈ അതിശയ ചേരുവ ഉപയോഗിക്കാനാകും. ഡാർക്ക് ചോക്ലേറ്റ് ഉപയോഗിച്ചുകൊണ്ട് നിങ്ങൾക്ക് പരീക്ഷിക്കാവുന്ന അഞ്ച് വ്യത്യസ്ത ഫേസ് മാസ്കുകൾ പരിചയപ്പെടാം.
ഡാർക്ക് ചോക്ലേറ്റ് – തേൻ ഫെയ്സ് മാസ്ക്ക്
തേൻ ഒരു മികച്ച ഹ്യൂമെക്ടന്റ് ആണ്. അതായത് ചർമ്മത്തിൽ ഈർപ്പം നിലനിർത്താൻ ഇത് സഹായിക്കുന്നു. ഡാർക്ക് ചോക്ലേറ്റിനോടൊപ്പം ചേർത്ത് ഇത് പ്രയോഗിക്കുന്നത് നിങ്ങളുടെ മുഖത്തിന് സ്വാഭാവിക തിളക്കം നൽകും. ചോക്ലേറ്റും തേനും ചേർത്ത ഫെയ്സ് മാസ്ക്ക് തയ്യാറാക്കാനായി ഒരു പാത്രത്തിൽ ¼ കപ്പ് ഉരുക്കിയ ഡാർക്ക് ചോക്ലേറ്റ്, 1 ടീസ്പൂൺ തേൻ, കുറച്ച് തുള്ളി നാരങ്ങ നീര് എന്നിവയോടൊപ്പം ചേർത്ത് മിക്സ് ചെയ്യുക. നന്നായി കലർത്തിയ ശേഷം മുഖത്തും കഴുത്തിലും ഈ പേസ്റ്റ് പുരട്ടുക. ഇത് 15 മിനിറ്റ് മുഖത്തിരിക്കട്ടെ, പേസ്റ്റ് നിങ്ങളുടെ മുഖത്ത് വൃത്താകൃതിയിൽ മസാജ് ചെയ്യുക. ശേഷം ചെറുചൂടുള്ള വെള്ളത്തിൽ കഴുകുക.
ഡാർക്ക് ചോക്ലേറ്റ് – മുൾട്ടാണി മിട്ടി മാസ്ക്ക്
മുൾടാണി മിട്ടിയുടെ ഉപയോഗം ചർമ്മത്തിൽ നിന്ന് അധിക എണ്ണമത്തെ വേർതിരിച്ചെടുക്കുകയും നിർജ്ജീവ കോശങ്ങളെ നീക്കം ചെയ്ത് പുറംതള്ളുകയും ചെയ്തുകൊണ്ട് പുതുമ നൽകുന്നു. ഈ ഫേസ്മാസ്ക്ക് ചർമ്മ പ്രശ്നങ്ങൾ കുറയ്ക്കാനും സുഷിരങ്ങളെ പരിഷ്കരിക്കാനും സഹായിക്കും.
1/2 കപ്പ് ഉരുകിയ ഡാർക്ക് ചോക്ലേറ്റ്, 2 ടേബിൾസ്പൂൺ മുൾട്ടാണി മിട്ടിയോടൊപ്പം ചേർത്ത് ചേർത്ത് രണ്ട് ചേരുവകളും നന്നായി ഇളക്കുക. പേസ്റ്റ് മുഖത്ത് അത് പുരട്ടി ഉണങ്ങിക്കഴിഞ്ഞാൽ കഴുകി മൃദുവായ തൂവാലകൊണ്ട് തുടച്ച് ചർമ്മം വരണ്ടതാക്കി മാറ്റുക. മാസ്ക്ക് ബാക്കിയുണ്ടെങ്കിൽ പിന്നീടുള്ള ഉപയോഗത്തിനായി ഒരു കണ്ടെയ്നർ ഇത് സൂക്ഷിച്ചു വയ്ക്കാം.
ഡാർക്ക് ചോക്ലേറ്റ് – തൈര് ഫെയ്സ് മാസ്ക്ക്
തൈരിൽ അടങ്ങിയിരിക്കുന്ന ലാക്റ്റിക് ആസിഡ് ചർമ്മത്തിലെ നിർജീവ കോശങ്ങളെ അലിയിച്ചു കളയുകയും നിങ്ങളുടെ സുഷിരങ്ങളെ ശക്തമാക്കുകയും ചെയ്യുന്നു. ചോക്ലേറ്റും തൈരും ചേർന്ന ഫേസ്മാസ്ക്ക് തയ്യാറാക്കാൻ, ഈ ഘട്ടങ്ങൾ പാലിക്കുക
ആദ്യം അഞ്ച് ക്യൂബ് ഡാർക്ക് ചോക്ലേറ്റ് ഉരുക്കിയെടുക്കുക, ഇതിലേക്ക് 1 1/2 ടീസ്പൂൺ തൈര് ചേർത്ത് നന്നായി ഇളക്കുക. തുടർന്ന് 1 ടേബിൾ സ്പൂൺ കടലമാവും ചേർത്ത് കൂട്ടിയോജിപ്പിക്കാം. നന്നായി മിക്സ് ചെയ്ത് മുഖത്തും കഴുത്തിലും പുരട്ടുക. 15 മിനിറ്റിനു ശേഷം, മാസ്ക് സ്ക്രബ് ചെയ്ത് കഴുകി കളയുക.
ഡാർക്ക് ചോക്ലേറ്റ് – മിൽക്ക് ക്രീം ഫെയ്സ് മാസ്ക്
പാലിന്റെയും ക്രീമിന്റെയും പോഷകഗുണങ്ങൾ ചർമ്മത്തിൽ നിർജ്ജലീകരണം സംഭവിക്കുന്നതിൽ നിന്നും ചർമം അധികം വരണ്ടുപോകുന്നതിൽ നിന്നും സംരക്ഷിക്കുന്നു. പാലിലെ ലാക്റ്റിക് ഗുണങ്ങൾ നിർജ്ജീവ കോശങ്ങളെ അലിയിച്ചു കളയാൻ സഹായിക്കും. ഈ ഫേസ് മാസ്ക്ക് തയ്യാറാക്കാനായി 1/4 കപ്പ് ഉരുകിയ ഡാർക്ക് ചോക്ലേറ്റ് എടുത്ത് ഇതിലേക്ക് 1 ടേബിൾ സ്പൂൺ ഹെവി ക്രീം അല്ലെങ്കിൽ കുറച്ച് പാലും ചേർക്കുക. തേനും കൂടി ചേർത്ത് കൂട്ടിയോജിപ്പിച്ച് ഈ മാസ്ക് മുഖത്തും കഴുത്തിലും പുരട്ടുക, 20 മിനിറ്റ് മുഖത്ത് സൂക്ഷിച്ച ശേഷം ഇത് കഴുകി കളയുക. ടിഷ്യു ഉപയോഗിച്ച് മുഖം തുടച്ച് ചർമ്മത്തിന് പുതുമ നൽകുക. സുഷിരങ്ങൾ അടയ്ക്കുന്നതിനായി ഏതെങ്കിലും നല്ല ഒരു ടോണർ ഉപയോഗിക്കുക.
ഡാർക്ക് ചോക്ലേറ്റ് – ഫ്രൂട്ട് ഫെയ്സ് മാസ്ക്ക്
ഡാർക്ക് ചോക്ലേറ്റിന്റെ നന്മയ്ക്കൊപ്പം, പഴങ്ങളുടെ ഗുണങ്ങളും ചേർന്ന ഫേസ് മാസ്ക്ക് നിങ്ങളുടെ ചർമ്മത്തിന് തൽക്ഷണ തിളക്കം നൽകും. ചർമ്മത്തിന് തിളക്കം നൽകാൻ സഹായിക്കുന്ന കാര്യത്തിൽ വളരെയധികം ഗുണം ചെയ്യുന്നതാണ് തണ്ണിമത്തൻ, സ്ട്രോബെറി തുടങ്ങിയവയൊക്കെ. വിറ്റാമിൻ സി അടങ്ങിയ സിട്രിക് പഴങ്ങളും നിങ്ങൾക്ക് ഇതിലേക്ക് ചേർക്കാൻ കഴിയും.
ഈ ചോക്ലേറ്റ് ഫ്രൂട്ട് ഫെയ്സ് മാസ്ക്ക് നിർമ്മിക്കാനായി കുറച്ച് തണ്ണിമത്തൻ ക്യൂബുകൾ, ഒരു സ്ട്രോബെറി എന്നിവ ചേർത്ത് മിശ്രിതമാക്കുക. അര കപ്പ് ഡാർക്ക് ചോക്ലേറ്റ് ഇതിലേക്ക് ഉരുകിയൊഴിക്കുക. നിങ്ങളുടെ മുഖത്തും കഴുത്തും ഭാഗത്ത് ഇത് പ്രയോഗിക്കുക. 20 മിനിറ്റ് മുഖത്ത് സൂക്ഷിച്ചതിനു ശേഷം ചെറുചൂടുള്ള വെള്ളത്തിൽ മുഖം കഴുകി ചർമ്മം വരണ്ടതാക്കുക.