അഖില സുരേഷ്
മുഖക്കുരുവിന്റെ പാടുകൾ, കണ്ണിനു ചുറ്റുമുള്ള കറുപ്പ്, വരണ്ട ചർമം തുടങ്ങി നിരവധി സൗന്ദര്യപ്രശ്നങ്ങള്ക്ക് വീട്ടില്തന്നെ പരിഹാരം കണ്ടെത്താം. തിളങ്ങുന്ന ചർമം സ്വന്തമാക്കാന് വീട്ടിൽ ചെയ്യാവുന്ന ചില പൊടിക്കൈകൾ ഇതാ..
ഹോംമെയ്ഡ് ഫെയ്സ്പായ്ക്കുകള്
കണ്ണിനു ചുറ്റുമുള്ള കറുത്തപാട് അകറ്റും
- മുട്ടവെള്ള: ഒന്ന് വലുത്
- ഹെയ്സൽ നട്ട് പൊടിച്ചത്: ഒരു ടീസ്പൂൺ
മുട്ടവെള്ളയും ഹെയ്സൽ നട്ട് പൊടിച്ചതും നന്നായി അടിച്ച് പതപ്പിച്ച് മിശ്രിതമുണ്ടാക്കുക. ഈ പായ്ക്ക് മൂന്നു മിനിറ്റ് വച്ച ശേഷം ഒരു ബ്രഷ് ഉപയോഗിച്ച് കണ്ണിനു ചുറ്റും പുരട്ടുക. 15 മിനിറ്റ് വച്ചശേഷം നന്നായി ഉണങ്ങും മുന്പ് കഴുകി കളയണം. ഇത് സ്ഥിരമായി ചെയ്യുക. ഈ പായ്ക്ക് കണ്ണിനു ചുറ്റുമുള്ള കറുത്തപാട് അകറ്റും.
മുഖത്തെ കാരയും കുരുക്കളും മാറാന്
- ബ്രൗൺഷുഗർ: ഒരു ടേബിൾ സ്പൂൺ
- വൈറ്റ് ഷുഗർ: ഒരു ടേബിൾ സ്പൂൺ
- വെളിച്ചെണ്ണ: രണ്ട് ടേബിൾ സ്പൂൺ
- അരച്ച സ്ട്രോബറീസ്: രണ്ട്
ഇതെല്ലാം നന്നായി യോജിപ്പിച്ച് മിശ്രിതം തയറാക്കുക. ഈ മിശ്രിതം മുഖത്ത് തേച്ച് പിടിപ്പിച്ച് നന്നായി ഉരസുക. വിരലുകൾ വട്ടത്തിൽ ചലിപ്പിച്ച് മസാജ് ചെയ്യണം. പതിനഞ്ച് മിനിട്ടോളം ഇത് തുടരുക. ചെറു ചൂടുവെള്ളത്തിൽ കഴുകുക. ആഴ്ചയിൽ രണ്ട് പ്രാവശ്യം ഇത് തുടരണം.
വരണ്ട ചർമത്തിന്
- അവോകാഡോ : പകുതി സ്മാഷ് ചെയ്തത്
- തേൻ : കാൽ കപ്പ്
ഈ മിശ്രിതം മുഖത്തും കഴുത്തിലും കൈകളിലുമുള്ള വരണ്ട ചർമത്തിൽ കുഴമ്പ് പോലെ തേച്ച് പിടിപ്പിച്ച് പത്ത് മിനിട്ട് കഴിഞ്ഞ് ചെറു ചൂടുള്ള വെള്ളത്തിൽ കഴുകി കളയാം. ഏതെങ്കിലും ലോലമായ ഫെയ്സ് വാഷ് ഉപയോഗിച്ച് മുഖം കഴുകുക.