ഈ ആഴ്ച നടന്ന പ്രവിശ്യാ ഇമിഗ്രേഷൻ നറുക്കെടുപ്പുകളിലൂടെ നാല് പ്രവിശ്യകൾ അപേക്ഷകർക്ക് ഇൻവിറ്റേഷൻ നൽകി. ബ്രിട്ടീഷ് കൊളംബിയ, ആൽബർട്ട, ക്യൂബെക്ക്, മാനിറ്റോബ പ്രവിശ്യകളാണ് ഈ ആഴ്ച അപേക്ഷകർക്ക് ഇൻവിറ്റേഷൻ നൽകിയത്.
വിദഗ്ധ തൊഴിലാളികൾക്ക് കാനഡയിലേക്ക് കുടിയേറുന്നതിനുള്ള ഒരു സുപ്രധാന മാർഗ്ഗമാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ). കാനഡയിലെ ഓരോ പ്രവിശ്യയ്ക്കും അവരുവരുടേതായ പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ) ഉണ്ട്. ഇവയിലൂടെ അർഹരായ സ്‌കിൽഡ് വർക്കേഴ്സിനെയും ബിസിനസ്സുകാരെയും കാനഡയിൽ സ്ഥിരതാമസത്തിനായി ഓരോ പ്രവിശ്യകളും ശുപാർശ ചെയ്യുന്നു. ഓരോ പ്രവിശ്യയുടെയും ജനസംഖ്യ, തൊഴിൽമേഖലയിലെ ആവിശ്യങ്ങൾ എന്നിവ മുൻനിർത്തിയാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ പ്രവർത്തിക്കുന്നത്.
പ്രൊവിൻഷ്യൽ നോമിനേഷൻ ലഭിക്കുന്ന എക്സ്പ്രസ്സ് എൻട്രി അപേക്ഷകർക്ക് 600 കോംപ്രിഹെൻസീവ് റാങ്കിംഗ് സിസ്റ്റം സ്കോർ (CRS) പോയിന്റുകൾ അധികമായി ലഭിക്കും. തുടർന്ന് വരുന്ന എക്സ്പ്രസ്സ് എൻട്രി നറുക്കെടുപ്പിൽ ഈ ഉദ്യോഗാർത്ഥികൾക്ക് കാനഡയിൽ സ്ഥിരതാമസത്തിന് അപേക്ഷിക്കുന്നതിനുള്ള ഇൻവിറ്റേഷൻ ലഭിക്കുന്നതിന് സഹായകമാകും. അതിനാൽ എക്സ്പ്രസ്സ് എൻട്രി സ്കോർ കുറവുള്ളവർക്കും എളുപ്പത്തിൽ കാനഡയിൽ സ്ഥിരതാമസമാക്കുന്നതിനുള്ള ഒരു മാർഗ്ഗമാണ് പ്രൊവിൻഷ്യൽ നോമിനി പ്രോഗ്രം. എക്സ്പ്രസ്സ് എൻട്രി പ്രൊഫൈൽ ഇല്ലാത്തവർക്കും പ്രൊവിൻഷ്യൽ നോമിനി പ്രോഗ്രാം വഴി കാനഡയിൽ സ്ഥിരതാമസത്തിന് അപേക്ഷിക്കാം.
പ്രവിശ്യാ ഇമിഗ്രേഷൻ ഫലങ്ങൾ ഏപ്രിൽ 22-28
ബ്രിട്ടീഷ് കൊളംബിയ
ഏപ്രിൽ 25ന് നടന്ന മൂന്ന് നറുക്കെടുപ്പുകളിലായി മൊത്തം 168 ഉദ്യോഗാർത്ഥികൾക്ക് ബ്രിട്ടീഷ് കൊളംബിയ ഇൻവിറ്റേഷൻ നൽകി.
BC PNP-യിലെ ഉദ്യോഗാർത്ഥികൾ സ്‌കിൽസ് ഇമിഗ്രേഷൻ രജിസ്‌ട്രേഷൻ സിസ്റ്റത്തിന് (SIRS) കീഴിലുള്ള ഏറ്റവും കുറഞ്ഞ കട്ട്-ഓഫ് സ്‌കോറുകൾ ഉണ്ടായിരിക്കണം. ഇത് എക്സ്പ്രസ് എൻട്രി കോംപ്രിഹെൻസീവ് റാങ്കിംഗ് സിസ്റ്റം (സിആർഎസ്) പോലെയാണ് പ്രവർത്തിക്കുന്നത്, എന്നാൽ ബ്രിട്ടീഷ് കൊളംബിയയിൽ നിന്ന് പ്രവിശ്യാ നോമിനേഷൻ ലഭിക്കാൻ ആഗ്രഹിക്കുന്നവർക്ക് മാത്രമാണിത്.
ഈ ആഴ്‌ചത്തെ നറുക്കെടുപ്പിലെ ഉദ്യോഗാർത്ഥികൾ എല്ലാം എക്സ്പ്രസ് എൻട്രി കാൻഡിഡേറ്റുകൾ ഉൾപ്പെടെ സ്‌കിൽഡ് വർക്കർ അല്ലെങ്കിൽ ഇന്റർനാഷണൽ ഗ്രാജ്വേറ്റ് സ്ട്രീമുകളിൽ ഉള്ളവരായിരുന്നു.
ഏറ്റവും കുറഞ്ഞ SIRS സ്കോർ 90 ഉള്ള 113 പേരെ ടെക് തൊഴിലുകൾക്കായി ടാർഗെറ്റു ചെയ്‌ത നറുക്കെടുപ്പിലൂടെ ഇൻവിറ്റേഷൻ നൽകി. രണ്ടാമത്തെ നറുക്കെടുപ്പിൽ ചൈൽഡ് കെയറിന് കീഴിൽ വരുന്ന തൊഴിലുകളുള്ള 28 ഉദ്യോഗാർത്ഥികൾക്കാണ് ഇൻവിറ്റേഷൻ നൽകിയത്. കുറഞ്ഞത് 60 സ്കോർ ഉള്ള 28 ചൈൽഡ്ഹുഡ് എഡ്യൂക്കേറ്റഴ്സ് ആൻഡ് അസിസ്റ്റൻസിനെയും പ്രവിശ്യ നറുക്കെടുപ്പിലൂടെ ഇൻവിറ്റേഷൻ നൽകി. മൂന്നാമത്തെ നറുക്കെടുപ്പിൽ കുറഞ്ഞത് 60 സ്‌കോറുകളുള്ള 27 ഉദ്യോഗാർത്ഥികളെ ഹെൽത്ത് കെയർ തൊഴിലുകളിലേക്ക് ഇൻവിറ്റേഷൻ നൽകി.
ആൽബർട്ട
ആൽബർട്ട അഡ്വാന്റേജ് ഇമിഗ്രേഷൻ പ്രോഗ്രാമിന് (AAIP) കീഴിൽ ഈ ആഴ്ച മൂന്ന് വ്യത്യസ്ത നറുക്കെടുപ്പ് ഫലങ്ങൾ ആൽബർട്ട പ്രസിദ്ധീകരിച്ചു. എക്സ്പ്രസ് എൻട്രി പൂളിൽ പെട്ടവരായിരുന്നു അപേക്ഷിച്ച എല്ലാ ഉദ്യോഗാർത്ഥികൾളും.
ഏപ്രിൽ 20-ന് നടന്ന ആദ്യത്തെ നറുക്കെടുപ്പിൽ ആൽബർട്ടയിൽ കുടുംബബന്ധമുള്ളതും ഡിമാൻഡുള്ള പ്രാഥമിക തൊഴിലുമുള്ള 152 ഉദ്യോഗാർത്ഥികളെ ലക്ഷ്യമിട്ടായിരുന്നു. എല്ലാവർക്കും 300-500 വരെയുള്ള മിനിമം CRS സ്കോർ ഉണ്ടായിരുന്നു.
മുൻ‌ഗണനാ മേഖലയെ ലക്ഷ്യമിട്ടുള്ള നറുക്കെടുപ്പിൽ ഏപ്രിൽ 24 ന് 124 ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഏറ്റവും കുറഞ്ഞ CRS സ്കോർ 301 ഉള്ള ഉദ്യോഗാർത്ഥികൾക്കാണ് ഇൻവിറ്റേഷൻ ലഭിച്ചത്.
ഏപ്രിൽ 25-ന് നടന്ന അവസാന നറുക്കെടുപ്പ്, CRS സ്കോർ 316 ഉള്ള, ആൽബർട്ട ജോബ് ഓഫർ സ്ട്രീമിലെ ഹെൽത്ത്‌കെയർ പാത്ത്‌വേയിൽ നിന്ന് എട്ട് ഉദ്യോഗാർത്ഥികൾക്ക് ഇൻവിറ്റേഷൻ നൽകി.
2023-ൽ AAIP വഴി 9,750 ഉദ്യോഗാർത്ഥികൾക്ക് ആൽബർട്ട ഇൻവിറ്റേഷൻ നൽകുമെന്ന് പ്രതീക്ഷിക്കുന്നു. പ്രവിശ്യയിലെ ഏറ്റവും കൂടുതൽ എക്സ്പ്രസ് എൻട്രി ഉദ്യോഗാർത്ഥികളായ 1,462 പേർ ഡെഡിക്കേറ്റഡ് ഹെൽത്ത്‌കെയർ പാത്ത്‌വേ വഴി ഇൻവിറ്റേഷൻ നൽകുമെന്ന് പ്രതീക്ഷിക്കുന്നു.
ക്യുബക്
ഏപ്രിൽ 20-ന് നടന്ന നറുക്കെടുപ്പിലൂടെ ക്യുബക് സ്‌കിൽഡ് വർക്കർ പ്രോഗ്രാമിൽ നിന്ന് 1020 ഉദ്യോഗാർത്ഥികൾക്ക് ഇൻവിറ്റേഷൻ നൽകി. എല്ലാ ഉദ്യോഗാർത്ഥികൾക്കും 598-ന് തുല്യമോ അതിൽ കൂടുതലോ സ്‌കോറുകളും Communauté métropolitaine de Montreal-ന്റെ പ്രദേശത്തിന് പുറത്ത് സാധുവായ ജോലി ഓഫറുകളും ഉണ്ടായിരുന്നു.
സാമ്പത്തിക കുടിയേറ്റക്കാരെ തിരഞ്ഞെടുക്കുന്നതിൽ ക്യൂബെക്കിന് പൂർണ്ണമായ സ്വയംഭരണാധികാരമുണ്ടെങ്കിലും, ക്യൂബെക്ക് സെലക്ഷൻ സർട്ടിഫിക്കറ്റ് നേടുന്നതിൽ വിജയിച്ച ഉദ്യോഗാർത്ഥികൾ സ്ഥിര താമസത്തിനായി ഇമിഗ്രേഷൻ റെഫ്യൂജീസ് ആൻഡ് സിറ്റിസൺഷിപ്പ് കാനഡയിലേക്ക് (IRCC) അപേക്ഷിച്ചിരിക്കണം.
മാനിറ്റോബ
മാനിറ്റോബ പ്രൊവിൻഷ്യൽ നോമിനി പ്രോഗ്രാമിന്റെ (എംപിഎൻപി) സ്‌കിൽഡ് വർക്കേഴ്‌സ് ഓവർസീസ് സ്ട്രീം വഴി 558 ഉദ്യോഗാർത്ഥികൾക്ക് ഇൻവിറ്റേഷൻ നൽകി. അപേക്ഷകർക്ക് കുറഞ്ഞത് 616 സ്കോർ ആവശ്യമായിരുന്നു.
തങ്ങൾ ഒരു നിയന്ത്രിത തൊഴിലിൽ പ്രവർത്തിക്കുന്നുണ്ടെന്നും മാനിറ്റോബയിൽ ജോലി ചെയ്യാൻ പൂർണ്ണമായി ലൈസൻസുള്ളവരാണെന്നും സൂചിപ്പിച്ച ഉദ്യോഗാർത്ഥികളെ മാത്രമേ ഈ നറുക്കെടുപ്പിൽ തിരഞ്ഞെടുത്തിട്ടുള്ളൂ.
