മോൺട്രിയൽ : വാരാന്ത്യത്തിൽ ഗാസ-ഇസ്രായേൽ അതിർത്തിക്കടുത്തുള്ള ഗ്രാമപ്രദേശത്തെ സംഗീതോത്സവത്തിൽ ഹമാസ് നടത്തിയ ആക്രമണത്തിൽ കനേഡിയൻ പൗരൻ കൊല്ലപ്പെട്ടു. മോൺട്രിയൽ സ്വദേശിയായ അലക്സാണ്ടർ ലുക്ക് ആണ് കൊല്ലപ്പെട്ടതെന്ന് അദ്ദേഹത്തിന്റെ കുടുംബം സ്ഥിരീകരിച്ചു.
“ ഇസ്രായേലിൽ ഭീകരാക്രമണത്തെത്തുടർന്ന് മകൻ അലക്സാണ്ടർ ലുക്ക് ഞങ്ങളെ വിട്ടുപോയി,” അദ്ദേഹത്തിന്റെ പിതാവ് അലൈൻ ലുക്ക് ഫേസ്ബുക്കിൽ കുറിച്ചു.
ആക്രമണത്തിൽ ഒരു കനേഡിയൻ പൗരൻ കൊല്ലപ്പെട്ടതായും രണ്ടു പേരെ കാണാതായതായും ഗ്ലോബൽ അഫയേഴ്സ് കാനഡ ഇന്നലെ റിപ്പോർട്ട് ചെയ്തിരുന്നു.
