ഒന്റാറിയോ : ഒന്റാറിയോയിൽ COVID-19 ബാധിച്ച് ആശുപത്രിയിൽ പ്രവേശിപ്പിച്ച രോഗികളുടെ എണ്ണം ശനിയാഴ്ച വർദ്ധിച്ചു. COVID-19 ബാധിച്ച് ഒമ്പത് മരണങ്ങൾ കൂടി പ്രവിശ്യയിൽ റിപ്പോർട്ട് ചെയ്തു.
ഒന്റാറിയോയിലെ ആശുപത്രികളിൽ 707 COVID-19 രോഗികളെ പ്രവേശിപ്പിച്ചതായി ആരോഗ്യ മന്ത്രാലയം അറിയിച്ചു. ആശുപത്രികളിൽ ഇന്നലെ 667 രോഗികളെയും ഒരാഴ്ച മുമ്പ് 613 രോഗികളും ആണ് നിലവിൽ ചികിത്സയിൽ ഉണ്ടായിരുന്നത്.
നിലവിൽ ആശുപത്രിയിൽ പ്രവേശിപ്പിക്കപ്പെട്ടവരിൽ 47 ശതമാനം പേർ കൊവിഡിനെ തുടർന്ന് പ്രവേശിപ്പിക്കപ്പെട്ടവരാണ്. 53 ശതമാനം പേർ മറ്റ് കാരണങ്ങളാൽ ആശുപത്രികളിൽ പ്രവേശിപ്പിക്കപ്പെട്ടെങ്കിലും ഇവർ പിന്നീട് വൈറസിന് പോസിറ്റീവ് ആയി.
അതേസമയം, തീവ്രപരിചരണ വിഭാഗത്തിലുള്ള COVID-19 രോഗികളുടെ എണ്ണം ക്രമേണ കുറയുന്നത് ആശ്വാസകരമായ സാഹചര്യമാണ്. ഇന്നലെ മുതൽ നിലവിൽ 157 രോഗികളാണ് ഐസിയുവിൽ ഉള്ളത്. ഒരാഴ്ച മുമ്പുള്ളതിനേക്കാൾ 28 എണ്ണം കുറഞ്ഞു.
ഐസിയു രോഗികളിൽ, 76 ശതമാനം പേർ COVID-19 നും 24 ശതമാനം പേർ മറ്റ് കാരണങ്ങളാലും അഡ്മിറ്റ് ചെയ്യപ്പെട്ടുവെങ്കിലും COVID-19 പോസിറ്റീവ് ആയി.
തിങ്കളാഴ്ച മാസ്‌ക് നിർബന്ധങ്ങൾ നീക്കം ചെയ്യുന്നതുൾപ്പെടെ പകർച്ചവ്യാധി നിയന്ത്രണങ്ങൾ നീക്കുന്നതിനാൽ കേസുകളിലും ആശുപത്രികളിലും വർദ്ധനവുണ്ടാകുമെന്ന് പ്രവിശ്യ പ്രവചിച്ചതായി ആരോഗ്യമന്ത്രി ക്രിസ്റ്റിൻ എലിയറ്റ് ഇന്നലെ ആവർത്തിച്ചു.
ഏറ്റവും പുതിയ അഞ്ച് മരണങ്ങൾ കഴിഞ്ഞ മാസത്തിലാണെന്നും നാലെണ്ണം ഒരു മാസം മുമ്പാണ് സംഭവിച്ചതെന്നും മന്ത്രാലയം പറയുന്നു. മരിച്ചവരിൽ രണ്ടുപേർ ദീർഘകാല പരിചരണ കേന്ദ്രത്തിലെ താമസക്കാരാണ്. 2020 മാർച്ച് മുതൽ, ഒന്റാറിയോയിൽ 12,397 വൈറസ് സംബന്ധമായ മരണങ്ങൾ ഉണ്ടായിട്ടുണ്ട്.
പ്രവിശ്യാ ലാബുകൾ കഴിഞ്ഞ 24 മണിക്കൂറിനുള്ളിൽ 17,300-ലധികം ടെസ്റ്റുകൾ പ്രോസസ്സ് ചെയ്തു. ഇത് 13.5 ശതമാനം പോസിറ്റിവിറ്റി നിരക്ക് റിപ്പോർട്ട് ചെയ്തതായി മന്ത്രാലയം അറിയിച്ചു.
ഏറ്റവും പുതിയ കേസുകളിൽ, 1,516 വ്യക്തികൾക്ക് മൂന്ന് ഡോസ് കോവിഡ്-19 വാക്സിൻ ലഭിച്ചിട്ടുണ്ട്. 732 പേർക്ക് രണ്ട് ഡോസുകൾ ലഭിച്ചു. 289 പേർക്ക് പൂർണ്ണമായി വാക്സിനേഷൻ ലഭിച്ചിട്ടില്ല.
ഇന്നുവരെ, അഞ്ച് വയസും അതിൽ കൂടുതലുമുള്ള ഒന്റാറിയക്കാരിൽ 89 ശതമാനം പേർക്ക് COVID-19 വാക്സിൻ ഒരു ഡോസ് ലഭിച്ചു. 86 ശതമാനം പേർക്ക് രണ്ട് ഡോസുകളും 51 ശതമാനം പേർക്ക് മൂന്ന് ഡോസുകളും നൽകിയതായി ആരോഗ്യ മന്ത്രാലയം അറിയിച്ചു.
