എറ്റോബിക്കോക്കിൽ ഒന്നിലധികം വാഹനങ്ങൾ കൂട്ടിയിടിച്ചുണ്ടായ അപകടത്തിൽ രണ്ട് പേർ മരിക്കുകയും മറ്റ് രണ്ട് പേർക്ക് ഗുരുതരമായി പരിക്കേൽക്കുകയും ചെയ്തു. ഇന്നലെ രാത്രി 11.30ഓടെ ഹൈവേ 427-ൽ നിന്നുള്ള ഡണ്ടാസ് എക്സിറ്റ് റാംപിലാണ് അപകടം നടന്നതെന്ന് ടൊറന്റോ പോലീസ് അറിയിച്ചു.
അപകടത്തിൽ ഉൾപ്പെട്ട വാഹനങ്ങളിലൊന്ന് മറിഞ്ഞ് തീപിടിച്ചതായും ഇത് അപകടത്തിന്റെ ആഘാതം വർദ്ധിച്ചതായും പോലീസ് പറയുന്നു. രണ്ട് പേർ സംഭവസ്ഥലത്ത് വെച്ച് തന്നെ മരിച്ചതായി സ്ഥിരീകരിച്ചു. ഗുരുതരമായി പരിക്കേറ്റ രണ്ടുപേരെ പ്രാദേശിക ട്രോമ സെന്ററിലേക്ക് മാറ്റിയിട്ടുണ്ടെന്നും ടൊറന്റോ പാരാമെഡിക്കുകൾ പറഞ്ഞു.
സംഭവസ്ഥലത്ത് അന്വേഷണം ആരംഭിച്ചതിനാൽ ഡണ്ടാസ് സ്ട്രീറ്റിലെ ഹൈവേ 427 റാംപ് അടച്ചിട്ടിരിക്കുകയാണെന്ന് ടൊറന്റോ പോലീസ് അറിയിച്ചു.