ജോര്ജിയയിലെ ഡഗ്ലസ് കൗണ്ടിയില് നൂറിലധികം കൗമാരക്കാര് ഒത്തുകൂടിയ ഒരു ഹൗസ് പാര്ട്ടിക്കിടെ ഉണ്ടായ വെടിവയ്പ്പിനെ തുടര്ന്ന് രണ്ട് പേര് കൊല്ലപ്പെടുകയും ആറ് പേര്ക്ക് പരിക്കേല്ക്കുകയും ചെയ്തു. ഹൗസ് പാര്ട്ടിക്കിടെയുണ്ടായ സംഘര്ഷത്തെ തുടര്ന്നാണ് വെടിവെപ്പുണ്ടായതെന്ന് ഉദ്യോഗസ്ഥര് പറഞ്ഞു.
വെടിവയ്പ്പിന് തൊട്ടുപിന്നാലെ, ഡഗ്ലസ് കൗണ്ടി ഷെരീഫ് ഓഫീസ് അക്രമിയെക്കുറിച്ചുള്ള വിവരങ്ങള് പങ്കിടാന് ആളുകളോട് ആവശ്യപ്പെട്ടു, സംഭവത്തെക്കുറിച്ചുള്ള വിശദാംശങ്ങള് ‘വളരെ പരിമിതമാണ്’, ഏജന്സി വാര്ത്താക്കുറിപ്പില് പറഞ്ഞു.
തങ്ങളുടെ മകള്ക്കായി ഒരു സ്വീറ്റ് 16 പാര്ട്ടി നടത്തിയെന്നും പങ്കെടുത്തവരില് ചിലര് കഞ്ചാവ് വലിക്കുന്നുവെന്ന് അവകാശപ്പെട്ട് രാത്രി 10:00 ന് പാര്ട്ടി അവസാനിപ്പിക്കാന് തീരുമാനിച്ചതായും വീടിന്റെ ഉടമ പറഞ്ഞു. ഷൂട്ടിംഗ് സമയത്ത് മുതിര്ന്നവര് അവിടെ ഉണ്ടായിരുന്നോ ഇല്ലയോ എന്നത് ഇപ്പോഴും വ്യക്തമല്ല. സംഭവത്തില് വളരെ സജീവമായ അന്വേഷണം തുടരുകയാണെന്ന് ഉദ്യോഗസ്ഥര് പറഞ്ഞു.