പ്രശാന്ത് ബാബു പതിനഞ്ച് ലക്ഷം തട്ടിയെന്ന് ആരോപണം

കെപിസിസി പ്രസിഡന്റ് കെ സുധാകരന്റെ മുന്‍ ഡ്രൈവര്‍ പ്രശാന്ത് ബാബു പണം വാങ്ങി വഞ്ചിച്ചെന്ന് ആരോപണം. കെ സുധാകരനെതിരെ വിജിലന്‍സില്‍ പരാതി നല്‍കിയതിന് പിന്നാലെയാണ് പ്രശാന്ത് ബാബുവിനെതിരെ ആരോപണവുമായി കണ്ണൂര്‍ സ്വദേശിനി രംഗത്തെത്തിയത്. കണ്ണൂര്‍ മൊറാഴ സ്‌കൂളില്‍ അധ്യാപക ജോലി വാങ്ങി നല്‍കാമെന്ന് വിശ്വസിപ്പിച്ചാണ് പ്രശാന്ത് ബാബു പണം തട്ടിയതെന്നാണ് പരാതിക്കാരിയുടെ ആരോപണം. പണമായും, ബാങ്ക് ചെക്കായുമാണ് പണം നല്‍കിയതെന്ന് പരാതിക്കാരിയായ സത്യവതി പറഞ്ഞത്. 2021ല്‍ ആണ് പ്രശാന്ത് ബാബു കെപിസിസി പ്രസിഡന്റ് കെ സുധാകരന്റെ പേരില്‍ വിജിലന്‍സ് അന്വേഷണം ആവശ്യപ്പെട്ട് പരാതി നല്‍കിയത്.