മോൺട്രിയൽ : ക്യൂബെക്കിലെ വിവിധ പ്രദേശങ്ങളിൽ ബുധനാഴ്ചയും വ്യാഴാഴ്ചയും ചൂട് മുന്നറിയിപ്പുകളോടു കൂടിയ പ്രത്യേക കാലാവസ്ഥാ മുന്നറിയിപ്പുകൾ നൽകിയതായി എൻവയോൺമെന്റ് കാനഡ അറിയിച്ചു. മോൺട്രിയൽ, ഗാറ്റിനൗ, മണിവാക്കി, ലാച്യൂട്ട്, മോണ്ട്-ട്രെംബ്ലന്റ്, ടെമിസ്കാമിംഗ്, ട്രോയിസ്-റിവിയേർസ്, വിക്ടോറിയവില്ലെ തുടങ്ങി നിരവധി പ്രദേശങ്ങളിൽ മുന്നറിയിപ്പുകൾ ബാധകമായിരിക്കുമെന്നും കാലാവസ്ഥാ ഏജൻസി പറഞ്ഞു.
ഈ പ്രദേശങ്ങളിൽ താപനിലയും ഹ്യുമിഡിറ്റിയും കൂടിച്ചേർന്ന് 40 ഡിഗ്രി സെൽഷ്യസ് വരെ താപനില ഉയരുമെന്ന് പ്രതീക്ഷിക്കുന്നതായി ഫെഡറൽ കാലാവസ്ഥാ ഏജൻസി പറയുന്നു. ഈ പ്രതിഭാസം മറ്റ് പ്രദേശങ്ങളിൽ ഉണ്ടായിരിക്കും, പക്ഷേ തീവ്രത അല്പം കുറവായിരിക്കും. Val-d’Or, Matagami, La Tuque, Saguenay തുടങ്ങി ജെയിംസ് ബേ മേഖലയിലും ഇതുതന്നെയായിരിക്കും സ്ഥിതി.
ബുധനാഴ്ച വളരെ ചൂടും ഈർപ്പവും ആയി പ്രതീക്ഷിക്കുന്നതായും വ്യാഴാഴ്ചയും ചൂട് തുടരുമെന്നും കാലാവസ്ഥാ ഏജൻസി അറിയിച്ചു. പ്രദേശത്ത് രാത്രികാലത്ത് 20 ഡിഗ്രി സെൽഷ്യസ് വരെ താപനില അനുഭവപ്പെടും.
അതേസമയം, കാട്ടുതീയിൽ നിന്നുള്ള പുക, പുകമഞ്ഞ്, മോശം വായുവിന്റെ ഗുണനിലവാരം എന്നിവ കാരണം, വടക്ക്-പടിഞ്ഞാറൻ ക്യൂബെക്കിലെ ചില പട്ടണങ്ങളിൽ മുന്നറിയിപ്പ് ഇപ്പോഴും പ്രാബല്യത്തിലുണ്ട്.
