തിങ്കളാഴ്ച രാത്രി കാലിഡണിൽ നടന്ന വെടിവെപ്പിൽ ഒരാൾ മരിക്കുകയും രണ്ട് പേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിക്കുകയും ചെയ്തു. എയർപോർട്ട് റോഡിന് സമീപം മെയ്ഫീൽഡ് റോഡിൽ രാത്രി 11.30 ഓടെയാണ് വെടിവെയ്പ്പുണ്ടായത്. ഒരാൾ സംഭവസ്ഥലത്ത് തന്നെ വെച്ച് മരിക്കുകയായിരുന്നു, കൂടെയുണ്ടായിരുന്ന മറ്റ് രണ്ട് സ്ത്രികളെ ഗുരുതര പരുക്കുകളോടെ അടുത്തുള്ള ആശുപത്രിയിൽ പ്രവേശിപ്പിച്ചതായി
പീൽ പാരാമെഡിക്കുകൾ പറഞ്ഞു.
സംഭവത്തിൽ അന്വേഷണം ആരംഭിച്ചതായും , വെടിവെയ്പ്പിനെ സംബന്ധിച്ച് വിവരങ്ങൾ ലഭിച്ചു തുടങ്ങിയതായും ഒന്റാരിയോ പ്രൊവിൻഷ്യൽ പോലീസ് അറിയിച്ചു. കൂടുതൽ വിവരങ്ങൾ ഇപ്പോൾ പുറത്ത് വിടുന്നില്ലയെന്നും പോലിസ് പറഞ്ഞു.
