സതേൺ കാലിഫോർണിയയ്ക്കും ലാസ് വെഗാസിനും ഇടയിൽ 12 ദശലക്ഷം ഡോളറിന്റെ അതിവേഗ സമ്പൂർണ-വൈദ്യുത പാസഞ്ചർ റെയിൽ പാതയുടെ നിർമാണം തിങ്കളാഴ്ച ആരംഭിക്കും. രാജ്യത്തെ ആദ്യത്തെ യഥാർത്ഥ അതിവേഗ പാസഞ്ചർ റെയിൽ പാതയാണ് ഈ പദ്ധതി. ഫ്ലോറിഡ ആസ്ഥാനമായുള്ള ബ്രൈറ്റ്‌ലൈൻ ഹോൾഡിം‌‌ങ്സ് ഗ്രുപ്പിന്റെ മെട്രോ മിയാമി മുതൽ ഓർലാൻഡോ വരെ സർവീസ് നടത്തുന്നുണ്ട്. മണിക്കൂറിൽ 125 – 200 കിലോമീറ്റർ വേഗത്തിൽ സഞ്ചരിക്കുന്ന ഇവയുടെ സർവീസ് 2018-ൽ ആരംഭിക്കുകയും കഴിഞ്ഞ സെപ്റ്റംബറിൽ ഒർലാൻഡോ ഇൻ്റർനാഷണൽ എയർപോർട്ടിലേക്ക് വ്യാപിപ്പിക്കുകയും ചെയ്തു.
പ്രതിദിനം 16 റൗണ്ട് സർവീസുകളാണ് നടത്തുന്നത്. 80 ഡോളറാണ് ഒരു ടിക്കറ്റിന്റെ വില. മറ്റ് യു.എസ് നഗരങ്ങളെ ഹൈ-സ്പീഡ് പാസഞ്ചർ ട്രെയിനുകളുമായി ബന്ധിപ്പിക്കുന്നതിനുള്ള ചർച്ചകൾ പുരോഗമിക്കുന്നുണ്ട്. ഡാളസ് മുതൽ ഹൂസ്റ്റൺ വരെ; അറ്റ്ലാൻ്റ മുതൽ ഷാർലറ്റ്, നോർത്ത് കരോലിന; ഷിക്കാഗോ മുതൽ സെൻ്റ് ലൂയിസ് വരെ എന്നിങ്ങനെയാണ് സർവീസ് പദ്ധതി വ്യാപിപ്പിക്കാൻ ആസൂത്രണം ചെയ്യുന്നത്.
