എഡ്മിന്റന് : ലെഡ്യൂക് ആര്സിഎംപി ഉദ്യോഗസ്ഥയ്ക്കെതിരെ ലൈംഗികാതിക്രമത്തിന് കേസ്.രണ്ട് വര്ഷം മുമ്പ് നടന്ന ലൈംഗികാതിക്രമവുമായി ബന്ധപ്പെട്ടാണ് കോണ്സ്റ്റബിള് ബ്രിജിറ്റ് മോര്ലയ്ക്കെതിരെ കേസെടുത്തിരിക്കുന്നത്.
2022 ഡിസംബര് 3-ന് ഒരു എയര്ഡ്രി ഹോട്ടല് മുറിയില് ഒരു കൂട്ടം ആളുകള് ഒത്തുകൂടിയ സ്ഥലത്താണ് ആക്രമണം നടന്നത്. 10 ദിവസത്തിന് ശേഷം ആക്രമണങ്ങളെക്കുറിച്ച് അന്വേഷിക്കാന് ആല്ബര്ട്ട സീരിയസ് ഇന്സിഡന്റ് റെസ്പോണ്സ് ടീമിന് നിര്ദ്ദേശം നല്കി.
കുറ്റകൃത്യങ്ങള് നടന്നിട്ടുണ്ടെന്ന് വിശ്വസിക്കാന് ആവശ്യമായ തെളിവുകളുണ്ടെന്ന് അന്വേഷണത്തില് കണ്ടെത്തിയ ASIRT ഇത് ആല്ബര്ട്ട ക്രൗണ് പ്രോസിക്യൂഷന് കൈമാറി.വെള്ളിയാഴ്ച, കോണ്സ്റ്റബിള് ബ്രിജിറ്റ് മോര്ലയ്ക്കെതിരെ രണ്ട് ലൈംഗികാതിക്രമക്കേസുകള് ചുമത്തി വിട്ടയച്ചു.എന്നാല് ഡിസംബര് 12-ന് എയര്ഡ്രിയിലെ കോടതിയില് ഹാജരാകാന് നിര്ദ്ദേശം നല്കിയിട്ടുണ്ട്.
