വൻകൂവർ : പ്രവിശ്യയിലുടനീളമുള്ള വീടുകളുടെ വിൽപ്പന ജനുവരിയിൽ മുൻവർഷത്തെ അപേക്ഷിച്ച് ഉയർന്നതായി ബ്രിട്ടിഷ് കൊളംബിയ റിയൽ എസ്റ്റേറ്റ് അസോസിയേഷൻ. എന്നാൽ വീടുകളുടെ ശരാശരി വില നേരിയ തോതിൽ കുറഞ്ഞതായും അസോസിയേഷൻ റിപ്പോർട്ട് ചെയ്തു.
വീടുകളുടെ വിൽപ്പന 10 വർഷത്തെ ശരാശരിയേക്കാൾ 12% കുറവാണെങ്കിലും 2024 ജനുവരിയിൽ നിന്ന് 6.4% ഉയർന്ന് 2025 ജനുവരിയിൽ 4,221 വീടുകളുടെ വിൽപ്പന നടന്നതായി അസോസിയേഷൻ അറിയിച്ചു. ഒപ്പം ആക്റ്റീവ് ലിസ്റ്റിങ്ങുകൾ 27% ഉയർന്ന് ഏകദേശം 31,000 ആയി. എന്നാൽ, വീടുകളുടെ ശരാശരി വില കഴിഞ്ഞ വർഷം ജനുവരിയിലെ 959,191 ഡോളറിൽ നിന്ന് കഴിഞ്ഞ മാസം ഒരു ശതമാനം ഇടിഞ്ഞ് 949,560 ഡോളറിലെത്തി.
പ്രവിശ്യയിലെ ശരാശരി വിൽപ്പന വില ഇതാ:
- നോർത്തേൺ ബ്രിട്ടിഷ് കൊളംബിയ : 396,187 ഡോളർ, 3.4% വർധന
- ചില്ലിവാക്ക് : 694,700 ഡോളർ, 3.7% കുറഞ്ഞു
- ഗ്രേറ്റർ വൻകൂവർ : 1,208,415 ഡോളർ, 3.7% കുറവ്
- ഒകനാഗൻ : 736,479 ഡോളർ, 2.7% വർധന
- കാംലൂപ്‌സ് : 536,082 ഡോളർ, 3.8% കുറവ്
- കൂട്ടേയ് : 505,729 ഡോളർ, 9% വർധന
- സൗത്ത് പീസ് റിവർ : 281,028 ഡോളർ, 30.5% വർധന
- വൻകൂവർ ദ്വീപ് : 722,305 ഡോളർ, 11.4% വർധന
- വിക്ടോറിയ : 986,258 ഡോളർ, 5.3% വർധന
