ഓട്ടവ : കാനഡയിലുടനീളം വിറ്റഴിച്ച സ്വിസ് ചാലറ്റ് ബ്രാൻഡ് ചിക്കൻ ബ്രെസ്റ്റ് നഗറ്റുകൾ (700 ഗ്രാം) തിരിച്ചുവിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി (CFIA) അറിയിച്ചു. ഈ ഉൽപ്പന്നം കഴിക്കുകയോ വിൽക്കുകയോ ചെയ്യരുതെന്ന് ഏജൻസി നിർദ്ദേശിച്ചു. ഉൽപ്പന്നത്തിൽ കണ്ടെത്തിയ അസ്ഥി കഷണങ്ങളുമായി ബന്ധപ്പെട്ട് പരുക്കുകൾ റിപ്പോർട്ട് ചെയ്തതിനെ തുടർന്നാണ് ഇവ തിരിച്ചു വിളിച്ചത്. CFIA നിലവിൽ അന്വേഷണം ആരംഭിച്ചിട്ടുണ്ട്.
ഉപഭോക്താക്കൾ ചെയ്യേണ്ടത്
- തിരിച്ചുവിളിച്ച ഉൽപ്പന്നം വീട്ടിൽ ഉണ്ടോയെന്ന് പരിശോധിക്കുക.
- ഇവ കഴിക്കുകയോ വിൽക്കുകയോ ചെയ്യാതിരിക്കുക
- റീഫണ്ടിനായി ഉൽപ്പന്നം ഉപേക്ഷിക്കുക അല്ലെങ്കിൽ സ്റ്റോറിലേക്ക് തിരികെ നൽകുക.
