മൺട്രിയോൾ : നഗരത്തിലെ വീടുകളുടെ വിൽപ്പന കഴിഞ്ഞ വർഷത്തെ ഇതേ സമയത്തെ അപേക്ഷിച്ച് ഫെബ്രുവരിയിൽ 7.4% ഉയർന്നതായി കെബെക്ക് പ്രൊഫഷണൽ അസോസിയേഷൻ ഓഫ് റിയൽ എസ്റ്റേറ്റ് ബ്രോക്കേഴ്‌സ്. ഈ മേഖലയിൽ കഴിഞ്ഞ മാസം 4,088 വീടുകളാണ് വിറ്റത്. 2024 ഫെബ്രുവരിയിൽ ഇത് 3,807 ആയിരുന്നു.
മൺട്രിയോളിൽ വീടുകളുടെ ശരാശരി വിലയും വർഷം തോറും ഉയർന്നതായി അസോസിയേഷൻ റിപ്പോർട്ട് ചെയ്തു. നഗരത്തിലെ സിംഗിൾ ഫാമിൽ വീടുകളുടെ വില 8.9% ഉയർന്ന് 600,000 ഡോളറിലെത്തി. കൂടാതെ ഒരു കോണ്ടമിനിയത്തിൻ്റെ ശരാശരി വില 6.3% വർധിച്ച് 420,000 ഡോളറിലെത്തി. അതേസമയം പ്ലെക്‌സിൻ്റെ ശരാശരി വില ആറ് ശതമാനം ഉയർന്ന് 790,000 ഡോളറായതായും അസോസിയേഷൻ അറിയിച്ചു. മുൻ വർഷത്തെ അപേക്ഷിച്ച് 4.5% ഉയർന്ന് കഴിഞ്ഞ മാസം മൺട്രിയോൾ നഗരത്തിൽ 6,868 പുതിയ ലിസ്റ്റിങ്ങുകൾ ഉണ്ടായി. എന്നാൽ, സജീവ ലിസ്റ്റിങ്ങുകൾ 3.6% ഇടിഞ്ഞ് 16,976 ആയതായും ബോർഡ് പറയുന്നു.
