വിനിപെഗ് : ഈ വസന്തകാലത്തും വേനൽക്കാലത്തും മാനിറ്റോബയിലെ അതിമനോഹരമായ സ്ഥലങ്ങൾ സന്ദർശിക്കാൻ ഒരുങ്ങുന്നവരാണോ നിങ്ങൾ. എന്നാൽ, നിങ്ങൾക്ക് പ്രവിശ്യയിലെ പാർക്കുകളും മറ്റു സ്ഥലങ്ങളും റിസർവ് ചെയ്യാനുള്ള അവസരം ഇന്ന് ആരംഭിക്കും. ഏപ്രിൽ 7-നും 11-നും ഇടയിലുള്ള അഞ്ച് ദിവസത്തെ കാലയളവിൽ ക്യാമ്പ് ഗ്രൗണ്ട് റിസർവേഷനുകൾ നടക്കുമെന്ന് മാനിറ്റോബ സർക്കാർ പ്രഖ്യാപിച്ചു.
ഏപ്രിൽ 7 തിങ്കളാഴ്ച ബുക്കിങ് ആരംഭിക്കുമ്പോൾ, ആളുകൾക്ക് ക്യാബിനുകളും യർട്ടുകളും ഗ്രൂപ്പ് ഏരിയകളും റിസർവ് ചെയ്യാം. ഗ്രാൻഡ് ബീച്ച്, ബേർഡ്സ് ഹിൽ പാർക്ക്, വിനിപെഗ് ബീച്ച് എന്നിവിടങ്ങളിലെ ക്യാമ്പ് സൈറ്റുകൾക്കുള്ള റിസർവേഷൻ ഏപ്രിൽ 8-ന് ആരംഭിക്കും. വൈറ്റ്ഷെൽ പ്രൊവിൻഷ്യൽ പാർക്ക് ക്യാമ്പ് ഗ്രൗണ്ടുകൾ ഏപ്രിൽ 9-ന് ബുക്ക് ചെയ്യാം. അസെസിപ്പി, ഡക്ക് മൗണ്ടൻ, ക്ലിയർവാട്ടർ ലേക്ക്, ടർട്ടിൽ മൗണ്ടൻ എന്നിവയുൾപ്പെടെ വടക്കൻ, പടിഞ്ഞാറൻ ക്യാമ്പ് ഗ്രൗണ്ടുകൾ ഏപ്രിൽ 10-ന്, തുറക്കും. ഏപ്രിൽ 11-ന് ബിർച്ച് പോയിൻ്റ്, സെൻ്റ് മാലോ, നോപിമിംഗ്, മൂസ് ലേക്ക് എന്നിവയുൾപ്പെടെ ബാക്കിയുള്ള എല്ലാ ക്യാമ്പ് ഗ്രൗണ്ടുകളിലും ആളുകൾക്ക് ബുക്ക് ചെയ്യാം.
റിസർവേഷനുകൾ ഓൺലൈനായോ 204-948-3333 എന്ന നമ്പറിലോ ഫോണിലൂടെയോ 1181 Portage Ave-ൽ നേരിട്ടോ ചെയ്യാം. റിസർവേഷൻ വിൻഡോ രാവിലെ 7 മണിക്ക് ആരംഭിക്കും. രാവിലെ 8.30 നും വൈകിട്ട് 4 നും ഇടയിൽ നേരിട്ട് റിസർവേഷൻ നടത്താം.
