മൺട്രിയോൾ : നോർത്ത് ഷോറിലെ ബ്ലെയിൻ‌വില്ലയിലുള്ള നിർമ്മാണ സ്ഥലത്ത് സംരക്ഷണഭിത്തി ഇടിഞ്ഞ് വീണ് ഒരു തൊഴിലാളി മരിച്ചതായി റിപ്പോർട്ട്. ചൊവ്വാഴ്ച രാവിലെ മിഷേൽ-ബോഹെക് ബൊളിവാർഡിലാണ് സംഭവം. മൂന്ന് തൊഴിലാളികൾക്ക് പരുക്കേറ്റിട്ടുണ്ട്. സംഭവസമയത്ത് ഏകദേശം 20 തൊഴിലാളികൾ സ്ഥലത്തുണ്ടായിരുന്നു. ചില തൊഴിലാളികൾ തകർന്ന് കെട്ടിടത്തിനുള്ളിൽ ഇപ്പോഴും കുടുങ്ങിക്കിടക്കുകയാണെന്ന് പാരാമെഡിക്കുകൾ അറിയിച്ചു. അഗ്നിശമന സേനാംഗങ്ങളും പൊലീസും സംഭവസ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകുന്നുണ്ട്.
അപകടത്തെ തുടർന്ന് എമിലിയൻ-മാർക്കോക്സ് സ്ട്രീറ്റുകൾക്കിടയിൽ മിഷേൽ-ബോഹെക് ബൊളിവാർഡ് നോട്രെ-ഡാം ഇനിയൊരു അറിയിപ്പ് ഉണ്ടാകുന്നതുവരെ അടച്ചു. സംഭവത്തിൽ അന്വേഷണ ആരംഭിച്ചു.
