വിനിപെഗ് : വാരാന്ത്യത്തിൽ മഴയും തണുത്ത കാലാവസ്ഥയും ഉണ്ടായിരുന്നിട്ടും പ്രവിശ്യയിലുടനീളം കാട്ടുതീ ഉണ്ടാകാനുള്ള സാധ്യത വളരെ കൂടുതലാണെന്ന് മാനിറ്റോബ സർക്കാർ മുന്നറിയിപ്പ് നൽകി. പ്രവിശ്യയിലുടനീളം 13 കാട്ടുതീകൾ കത്തിപ്പടരുന്നുണ്ടെന്നും നോപിമിങിലും വൈറ്റ്സെല്ലിലും തീ നിയന്ത്രണാതീതമാണെന്നും മാനിറ്റോബ വൈൽഡ് ഫയർ സർവീസ് റിപ്പോർട്ട് ചെയ്തു.
വൈറ്റ്ഷെൽ, നോപിമിങ് പ്രവിശ്യാ പാർക്കുകളിൽ പ്രാദേശിക അടിയന്തരാവസ്ഥയും അനുബന്ധ പാർക്ക് അടച്ചുപൂട്ടലുകളും നിലനിൽക്കുന്നുണ്ടെന്നും ഏജൻസി അറിയിച്ചു. പൊതുജനങ്ങളുടെ സുരക്ഷ ഉറപ്പാക്കുന്നതിന് നിയന്ത്രണങ്ങൾ അനിവാര്യമാണെന്ന് മാനിറ്റോബ സർക്കാർ പറയുന്നു. അതേസമയം മധ്യ, തെക്കുകിഴക്കൻ മാനിറ്റോബയുടെ ചില ഭാഗങ്ങളിൽ തീപിടുത്ത, യാത്രാ നിയന്ത്രണങ്ങൾ നിലവിലുണ്ട്.
