തണ്ടർ ബേ : തണ്ടർ ബേ മലയാളി അസോസിയേഷൻ (TBMA) ഓണം ഫെസ്റ്റിവൽ 2025-ന് ഔദ്യോഗിക തുടക്കം കുറിച്ച് ഓൾ കാനഡ വടംവലി മത്സരം സംഘടിപ്പിക്കുന്നു. നാളെ (ജൂലൈ 19 ശനിയാഴ്ച) വൈകിട്ട് നാല് മുതൽ തണ്ടർ ബേ മിലിറ്ററി ഗ്രൗണ്ടിലാണ് വടംവലി ചാമ്പ്യൻഷിപ്പ് നടക്കുക. ഗ്ലാഡിയേറ്റേഴ്സ് ടൊറൻ്റോ, റാപ്റ്റേഴ്‌സ് വിനിപെഗ്, ഗരുഡൻസ് ടൊറൻ്റോ, തണ്ടർ ബേ ടസ്‌കേഴ്‌സ്, സെവൻ സ്റ്റാർ സ്കാർബ്റോ, എംസി കറി വിനിപെഗ്, മേടയിൽ ആശാൻസ് തണ്ടർ ബേ, ഗ്ലാഡിയേറ്റേഴ്സ് ലണ്ടൻ, ആവേശം തണ്ടർ ബേ എന്നീ ടീമുകൾ മത്സരത്തിൽ പങ്കെടുക്കുമെന്ന് അസോസിയേഷൻ ഭാരവാഹികൾ അറിയിച്ചു. റ്റുഗെതർ റിയൽറ്റർ ഗ്രൂപ്പ് ആണ് ചാമ്പ്യൻഷിപ്പിന്‍റെ മുഖ്യസ്‌പോൺസർ.
ചാമ്പ്യൻഷിപ്പ് ചാമ്പ്യന്മാരാകുന്ന ടീമിന് 3001 ഡോളറും രണ്ടാം സ്ഥാനം നേടുന്നവർക്ക് 1001 ഡോളറും മൂന്നാം സ്ഥാനക്കാർക്ക് 501 ഡോളറും സമ്മാനമായി ലഭിക്കും. കൂടാതെ വിജയികൾക്ക് ട്രോഫികളും മെഡലുകളും സമ്മാനിക്കും. മത്സരത്തോടനുബന്ധിച്ച് കേരളീയ ഭക്ഷണശാലകൾ, മ്യൂസിക് തുടങ്ങിയവ ഒരുക്കിയിട്ടുണ്ട്. കൂടുതൽ വിവരങ്ങൾക്കും വടംവലി മത്സര രജിസ്ട്രേഷനുമായി : ബിജിൽ വാൾട്ടർ (സെക്രട്ടറി) : (807) 355-8476, അഭിനവ് : (807) 355-4168, ബെൽജിൻ : (807) 358-0070.
