ഓട്ടവ : വർധിച്ചു വരുന്ന ജീവിതച്ചെലവിനെ നേരിടാൻ, ആശ്വാസമായി അടുത്ത കാനഡ പെൻഷൻ പ്ലാൻ ജൂലൈ 29-ന് രാജ്യത്തുടനീളമുള്ള കനേഡിയൻ പൗരന്മാരുടെ ബാങ്ക് അക്കൗണ്ടുകളിൽ എത്തും. 2.7% വർധിച്ച തുകയോടെയാണ് ഈ തവണ കാനഡ പെൻഷൻ പ്ലാൻ വിതരണം ചെയ്യുന്നത്. കൂടാതെ വാർദ്ധക്യ സുരക്ഷ (OAS), ഗ്യാരണ്ടീഡ് ഇൻകം സപ്ലിമെൻ്റ് (GIS) പോലുള്ള അധിക ആനുകൂല്യങ്ങളിൽ 800 വരെ ലഭിക്കും.
വിരമിക്കുമ്പോൾ വരുമാനവും വൈകല്യമോ മരണമോ ഉണ്ടായാൽ ആനുകൂല്യങ്ങളും നൽകുന്നതിന് രൂപകൽപ്പന ചെയ്ത ഒരു രാജ്യവ്യാപക സോഷ്യൽ ഇൻഷുറൻസ് പ്രോഗ്രാമാണ് കാനഡ പെൻഷൻ പ്ലാൻ. 65 വയസ്സിന് മുകളിലുള്ള താമസക്കാർക്ക് പരമാവധി 1,433 ഡോളർ പ്രതിമാസ പേയ്മെൻ്റിന് അർഹതയുണ്ട്.
അടുത്ത CPP പേയ്മെൻ്റ് വർധന 2026 ജനുവരിയിലുണ്ടാകും. സ്വന്തം പെൻഷൻ പ്ലാൻ ഉള്ള കെബെക്കിൽ ഒഴികെ മറ്റെല്ലാ പ്രവിശ്യകളിലും കാനഡ പെൻഷൻ പ്ലാൻ വിതരണം ചെയ്യുന്നുണ്ട്. ജൂലൈ 29ന് ശേഷം ഓഗസ്റ്റ് 27, സെപ്റ്റംബർ 25, ഒക്ടോബർ 29, നവംബർ 26, ഡിസംബർ 22 എന്നിവയാണ് ഈ വർഷത്തിലെ ശേഷിക്കുന്ന CPP പേയ്മെൻ്റ് തീയതികൾ.
