വൻകൂവർ : ഏറ്റവും പുതിയ പ്രൊവിൻഷ്യൽ നോമിനി പ്രോഗ്രാം നറുക്കെടുപ്പിൽ ഓൻ്റർപ്രണർമാർക്ക് ഇൻവിറ്റേഷൻ നൽകി ബ്രിട്ടിഷ് കൊളംബിയ സർക്കാർ. ഓഗസ്റ്റ് 19-ന് നടന്ന ബ്രിട്ടിഷ് കൊളംബിയ പ്രൊവിൻഷ്യൽ നോമിനി പ്രോഗ്രാമിന്‍റെ (BC PNP) രണ്ട് ഓൻ്റർപ്രണർ ഇമിഗ്രേഷൻ (EI) സ്ട്രീമുകളിലൂടെ 16 അപേക്ഷകർക്ക് ഇൻവിറ്റേഷൻ നൽകി. 2025-ൽ പ്രവിശ്യ ഇതുവരെ നടത്തിയ ആറാമത്തെ ഓൻ്റർപ്രണർ കേന്ദ്രീകൃത തിരഞ്ഞെടുപ്പായിരുന്നു ഇത്. EI ബേസ് സ്ട്രീം, EI റീജനൽ സ്ട്രീം എന്നീ സ്ട്രീമുകളിലാണ് നറുക്കെടുപ്പ് നടന്നത്.
മെയ് 8-ന് നടന്ന സ്‌കിൽഡ് വർക്ക് നറുക്കെടുപ്പ് ഒഴികെ, ബിസി പിഎൻപി ഈ വർഷം ഏതാണ്ട് പൂർണ്ണമായും ഓൻ്റർപ്രണർ നറുക്കെടുപ്പിലാണ് ശ്രദ്ധ കേന്ദ്രീകരിച്ചത്. ബ്രിട്ടിഷ് കൊളംബിയയുടെ ഇഐ സ്ട്രീമുകൾ വഴി ഇതുവരെ 70 അപേക്ഷകർക്ക് ഇൻവിറ്റേഷൻ നൽകിയിട്ടുണ്ട്.
