വൻകൂവർ : മെട്രോ വൻകൂവറിൽ വീടില്ലാത്തവരുടെ എണ്ണം വർധിക്കുന്നതായി പുതിയ റിപ്പോർട്ട്. മേഖലയിലുടനീളം 5,232 പേർക്ക് വീടില്ലെന്ന് മാർച്ചിൽ നടത്തിയ ഏറ്റവും പുതിയ ഭവനരഹിതരുടെ കണക്കുകൾ സൂചിപ്പിക്കുന്നു. 2023 അവസാന മാസത്തേക്കാൾ ഒമ്പത് ശതമാനം വർധനയാണ് ഭവനരഹിതരുടെ എണ്ണത്തിൽ ഉണ്ടായിട്ടുള്ളത്.
അതേസമയം ഭവനരഹിതരായ തദ്ദേശീയരുടെ എണ്ണം കൂടുതലാണെന്ന് റിപ്പോർട്ട് കാണിക്കുന്നു. മേഖലയിലെ മൊത്തം ജനസംഖ്യയുടെ രണ്ട് ശതമാനത്തിൽ കൂടുതൽ വരുന്നുണ്ടെങ്കിലും, ഭവനരഹിതരിൽ 34% പേരും ഫസ്റ്റ് നേഷൻസ്, ഇൻയൂട്ട്, മെറ്റിസ് വംശജരാണ്. റിപ്പോർട്ട് അനുസരിച്ച്, ഭവനരഹിതരായ 22% ആളുകളും മുതിർന്ന പൗരന്മാരാണ്. വീടില്ലാത്ത നിരവധി ആളുകൾക്ക് ഷെൽട്ടറുകളിലോ കുടുംബാംഗങ്ങളുമായും സുഹൃത്തുക്കളുമായും സോഫ്-സർഫിങിലോ ജീവിക്കേണ്ടി വരുന്നു. ഈ മേഖലയിൽ ഏകദേശം 1900 പേർ ഇത്തരത്തിലാണ് ജീവിക്കുന്നത്.
