ഹാലിഫാക്സ് : താങ്ക്സ്ഗിവിങ് വാരാന്ത്യത്തിന് മുന്നോടിയായി മൂന്ന് മാരിടൈംസ് പ്രവിശ്യകളിലും പെട്രോൾ വില കുറഞ്ഞു. അതേസമയം ന്യൂബ്രൺസ്വിക്കിൽ മാത്രം ഡീസൽ വില വർധിച്ചു.
നോവസ്കോഷ
തലസ്ഥാനനഗരമായ ഹാലിഫാക്സ് മേഖലയിൽ സാധാരണ പെട്രോളിന്‍റെ വില 2.2 സെൻ്റ് കുറഞ്ഞു. ഇതോടെ ലിറ്ററിന് 138.5 സെൻ്റാണ് പുതിയ വില. പ്രവിശ്യയിലെ ഡീസൽ വിലയിൽ മാറ്റമൊന്നും വന്നിട്ടില്ല, ലിറ്ററിന് 155.5 സെൻ്റായി തുടരുന്നു. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ പെട്രോളിന്‍റെ പുതിയ വില ലിറ്ററിന് 140.4 ഉം ഡീസലിന്‍റെ വില ലിറ്ററിന് 157.4 ഉം ആണ്.
പ്രിൻസ് എഡ്വേഡ് ഐലൻഡ്
പി.ഇ.ഐയിൽ സാധാരണ പെട്രോളിന്‍റെ വില 1.8 സെൻ്റ് കുറഞ്ഞ് ലിറ്ററിന് 146.7 സെൻ്റായി. അതേസമയം ദ്വീപിലെ ഡീസൽ വില 1.2 സെൻ്റ് കുറഞ്ഞു. പുതിയ ഏറ്റവും കുറഞ്ഞ വില ലിറ്ററിന് 161.3 സെൻ്റായി.
ന്യൂബ്രൺസ്വിക്
ന്യൂബ്രൺസ്വിക്കിൽ പെട്രോൾ വില 2.8 സെൻ്റ് കുറഞ്ഞു. നിലവിൽ ലിറ്ററിന് 150.2 സെൻ്റാണ് പ്രവിശ്യയിൽ പെട്രോളിന് ഈടാക്കുന്നത്. ഡീസൽ വില 2.7 സെൻ്റ് വർധിച്ച് ലിറ്ററിന് 170.7 സെൻ്റായി.
