കിച്ചനർ: ഇനി യാത്ര തുടങ്ങാനുള്ള സമയമായി! കിച്ചനറിലേക്കുള്ള പുതിയ വാരാന്ത്യ GO ട്രെയിൻ സർവീസ് ഞായറാഴ്ച മുതൽ ആരംഭിക്കും. പുതിയ വാരാന്ത്യ സർവീസിൽ നാല് ട്രിപ്പുകൾ ഉൾപ്പെടുന്നു. കിച്ചനറിൽ നിന്ന് രണ്ട് യാത്രകളും ടൊറന്റോയിൽ നിന്ന് രണ്ട് യാത്രകളുമാണ്.കിച്ചനർ ലൈനിൽ 40 കിലോമീറ്റർ പുതിയ GO ട്രാക്കുകൾ നിർമ്മിക്കുന്നതിനായി ഭൂമി വാങ്ങുന്നതുമായി ബന്ധപ്പെട്ട് സിഎൻ റെയിലുമായി കരാർ ഒപ്പിട്ടതിന്റെ ഭാഗമായാണ് ഈ പുതിയ വാരാന്ത്യ സർവീസ് ആരംഭിക്കുന്നത്.
പുതിയ മാറ്റങ്ങൾ പ്രകാരം ബ്രാംപ്ടണിലെ ബ്രമാലിയ GO സ്റ്റേഷനിൽ നിന്നും ടൊറന്റോ യൂണിയൻ സ്റ്റേഷനിൽ നിന്നും ഓരോ 30 മിനിറ്റിലും 18 പുതിയ വാരാന്ത്യ ട്രിപ്പുകൾ ഉണ്ടാകും. നവംബർ 24 മുതൽ, പ്രവൃത്തി ദിവസങ്ങളിലെ യാത്രയിൽ ഈ പുതിയ സർവീസ് മാറ്റങ്ങൾ വരുത്തും.യൂണിയൻ സ്റ്റേഷനിൽ നിന്ന് കിച്ചനർ GO സ്റ്റേഷനിലേക്ക് രാത്രി 10:34 ന് പുറപ്പെടുന്ന ഒരു സർവീസ് കൂടെ ഉണ്ടാകും.
