വൻകൂവർ : സാൽമൊണെല്ല മലിനീകരണ സാധ്യതയെ തുടർന്ന് മക്കാഡമിയ നട്സ് തിരിച്ചുവിളിച്ചതായി ഫെഡറൽ ഫുഡ് ഇൻസ്പെക്ഷൻ ഏജൻസി അറിയിച്ചു. 100 ഗ്രാം പാക്കേജുകളിലുള്ള ഡാൻ-ഡി പാക്ക് മക്കാഡമിയ നട്സ് ബ്രിട്ടിഷ് കൊളംബിയയിലും ആൽബർട്ടയിലും വിതരണം ചെയ്തതായി ഏജൻസി റിപ്പോർട്ട് ചെയ്തു.
കനേഡിയൻ ഫുഡ് ഇൻസ്പെക്ഷൻ ഏജൻസിയുടെ പരിശോധനാ ഫലങ്ങളാണ് ഈ തിരിച്ചുവിളിക്കലിന് കാരണമായത്. ഈ ഉൽപ്പന്നം ഉപയോഗിച്ചതുമായി ബന്ധപ്പെട്ട് ഇതുവരെ ആർക്കും അണുബാധ ഉണ്ടായതായി റിപ്പോർട്ട് ചെയ്യപ്പെട്ടിട്ടില്ല, ഏജൻസി പറയുന്നു. മക്കാഡമിയ നട്സ് ഉപയോഗിക്കരുതെന്നും അവ ഉപേക്ഷിക്കുകയോ വാങ്ങിയ സ്റ്റോറിൽ തിരികെ നൽകുകയോ ചെയ്യണം.
സാൽമൊണെല്ല കലർന്ന ഭക്ഷണം കേടായതായി അനുഭവപ്പെടുകയോ ചീത്ത മണം ഉണ്ടാവുകയോ ഇല്ല. പക്ഷേ, കൊച്ചുകുട്ടികൾ, ഗർഭിണികൾ, മുതിർന്നവർ, രോഗപ്രതിരോധ ശേഷി കുറഞ്ഞവർ എന്നിവർക്ക് ഗുരുതരവും മാരകവുമായ ആരോഗ്യ പ്രശ്നങ്ങൾക്ക് കാരണമായേക്കാം, CFIA ഉപഭോക്താക്കൾക്ക് മുന്നറിയിപ്പ് നൽകി. അണുബാധ ആരോഗ്യമുള്ള ആളുകൾക്ക് പനി, തലവേദന, ഛർദ്ദി, ഓക്കാനം, വയറുവേദന, വയറിളക്കം തുടങ്ങിയ ലക്ഷണങ്ങൾ അനുഭവപ്പെട്ടേക്കാം, ഏജൻസി അറിയിച്ചു.
