എഡ്മിന്റൻ : ഫെബ്രുവരിയിലെ ആദ്യ ആൽബർട്ട-എഎഐപി നറുക്കെടുപ്പിൽ 915 അപേക്ഷകർക്ക് ഇൻവിറ്റേഷൻ നൽകി. ഫെബ്രുവരി 2 ന് നടന്ന നറുക്കെടുപ്പിൽ ആൽബർട്ട അഡ്വാന്റേജ് ഇമിഗ്രേഷൻ പ്രോഗ്രാമിന്റെ (എഎഐപി) ആൽബർട്ട ഓപ്പർച്യുണിറ്റി സ്ട്രീം വഴിയാണ് അപേക്ഷകർക്ക് സ്ഥിര താമസത്തിന് അപേക്ഷിക്കാൻ ഇൻവിറ്റേഷൻ നൽകിയത്.
ജനുവരി 26 നും ജനുവരി 29 നും ഇടയിൽ ഡെഡിക്കേറ്റഡ് ഹെൽത്ത് കെയർ പാത്ത്വേയിലും ആൽബർട്ട എക്സ്പ്രസ് എൻട്രി സ്ട്രീമിന്റെ ആക്സിലറേറ്റഡ് ടെക് പാത്ത്വേയിലും നടന്ന മറ്റ് മൂന്ന് നറുക്കെടുപ്പുകൾക്ക് ശേഷം 2026 ലെ നാലാമത്തെ എഎഐപി നറുക്കെടുപ്പായിരുന്നു ഇത്. ഈ നാല് നറുക്കെടുപ്പുകളും ചേർന്ന് ഏഴ് ദിവസത്തിനുള്ളിൽ ആകെ 1,169 അപേക്ഷകർക്ക് ഇൻവിറ്റേഷൻ ലഭിച്ചു. 2026-ൽ ആൽബർട്ടയ്ക്ക് ഫെഡറൽ സർക്കാർ ആകെ 6,403 നോമിനേഷൻ അലോക്കേഷൻ അനുവദിച്ചിട്ടുണ്ട്. നിലവിൽ AAIP പൂളിൽ ആകെ 45,276 അപേക്ഷകരാണുള്ളത്. ആരോഗ്യ സംരക്ഷണം, സാങ്കേതികവിദ്യ, നിർമ്മാണം, വ്യോമയാനം, കൃഷി തുടങ്ങിയ മുൻഗണനാ മേഖലകളിൽ ജോലി ചെയ്യുന്നവർക്ക് വരും മാസങ്ങളിലും കൂടുതൽ അവസരങ്ങൾ ലഭിക്കുമെന്ന് ആൽബർട്ട ഇമിഗ്രേഷൻ വകുപ്പ് അറിയിച്ചു. നിലവിൽ ‘ആൽബർട്ട ഓപ്പർച്യൂണിറ്റി സ്ട്രീമിൽ’ 2025 ഒക്ടോബർ 21-നോ അതിന് മുൻപോ ലഭിച്ച അപേക്ഷകളാണ് പരിഗണിക്കുന്നത്. ടൂറിസം ആൻഡ് ഹോസ്പിറ്റാലിറ്റി സ്ട്രീമിൽ 2025 ജനുവരി 10 മുതലുള്ള അപേക്ഷകൾ പരിശോധിച്ചുവരികയാണ്.
