വൻകൂവർ : കനത്ത മഞ്ഞുവീഴ്ചയെ തുടർന്ന് ഹോപ്പിനും മെറിറ്റിനും ഇടയിലുള്ള കോക്വിഹല്ല ഹൈവേ ഇന്ന് രാവിലെ താൽക്കാലികമായി അടച്ചിട്ടു. പ്രദേശത്ത് ഏകദേശം 15 സെൻ്റീമീറ്റർ മഞ്ഞുവീഴ്ച ഉണ്ടാകുമെന്നും ചില സമയങ്ങളിൽ വിസിബിലിറ്റി കുറയാൻ സാധ്യതയുണ്ടെന്നും എൻവയൺമെൻ്റ് കാനഡ മുന്നറിയിപ്പ് നൽകിയിരുന്നു.
പർവ്വത മേഖലയിൽ കാലാവസ്ഥ പെട്ടെന്ന് മാറാമെന്നും ഇത് അപകടങ്ങൾക്ക് കാരണമാകാമെന്നും കാലാവസ്ഥാ ഏജൻസി പറയുന്നു. വ്യാഴാഴ്ച രാവിലെ വരെ പ്രദേശത്തെ സ്ഥിതിഗതികൾ മെച്ചപ്പെടുമെന്ന് പ്രതീക്ഷിക്കുന്നില്ല. പ്രതികൂല കാലാവസ്ഥയെ തുടർന്ന് ബുധനാഴ്ച രാത്രി 10:45 വരെ നിരവധി അപകടങ്ങൾ റിപ്പോർട്ട് ചെയ്തതായി ഡ്രൈവ്ബിസി അറിയിച്ചു.
