ടൊറൻ്റോ : ഗ്രേറ്റർ ടൊറൻ്റോ മേഖലയിൽ ഇന്ന് മേഘാവൃതമായ കാലാവസ്ഥയും തെക്കൻ ഒൻ്റാരിയോയുടെ ചില ഭാഗങ്ങളിൽ കനത്ത മഴയ്ക്ക് സാധ്യതയുണ്ടെന്നും എൻവയൺമെൻ്റ് കാനഡ മുന്നറിയിപ്പ് നൽകി. ടൊറൻ്റോ, മിസ്സിസാഗ, ബ്രാംപ്ടൺ, ഹാമിൽട്ടൺ, ഓഷവ, നയാഗ്ര ഫോൾസ് എന്നിവിടങ്ങളിൽ രാവിലെ മേഘാവൃതമായ കാലാവസ്ഥ ആയിരിക്കും അനുഭവപ്പെടുക. ഉച്ചകഴിഞ്ഞ് കാലാവസ്ഥ മാറുമെന്നും മണിക്കൂറിൽ 20 കിലോമീറ്റർ വേഗത്തിൽ വടക്കൻ കാറ്റ് വീശുമെന്നും പ്രതീക്ഷിക്കുന്നു. രാത്രി കൂടുതൽ മേഘാവൃതമാകുമെന്നും ഹാമിൽട്ടൺ, നയാഗ്ര ഫോൾസ്, സെൻ്റ് കാതറിൻസ്, ബ്രാന്റ്ഫോർഡ് എന്നിവയുൾപ്പെടെ ചില പ്രദേശങ്ങളിൽ കനത്ത മഴയ്ക്ക് സാധ്യതയുണ്ടെന്നും കാലാവസ്ഥാ ഏജൻസി പ്രവചിക്കുന്നു.
മിസ്സിസാഗയിൽ പകൽ ഏകദേശം 7 ഡിഗ്രി സെൽഷ്യസ് ആയിരിക്കും താപനില. യുവി സൂചിക 5 അല്ലെങ്കിൽ “മിതമായ”തായിരിക്കുമെന്നും കാലാവസ്ഥാ ഏജൻസി പറയുന്നു. രാത്രിയിൽ താപനില ഏകദേശം 1 ഡിഗ്രി സെൽഷ്യസിലേക്ക് താഴും. വ്യാഴാഴ്ച മിസ്സിസാഗയിൽ പകൽ മഴയ്ക്ക് സാധ്യതയുണ്ട്. ഉയർന്ന താപനില ഏകദേശം 7 ഡിഗ്രി സെൽഷ്യസ് ആയിരിക്കും. വെള്ളിയാഴ്ച 23 ഡിഗ്രി സെൽഷ്യസ് വരെ താപനില ഉയരും.
