ഒന്റാറിയോ: കാനഡയിലെ കോസ്റ്റ്കോ (Costco) സ്റ്റോറുകളിൽ വിൽക്കുന്ന പ്രമുഖ ബ്രാൻഡ് പിസ്സ കിറ്റുകളിൽ പൂപ്പൽ (Mold) വളരാൻ സാധ്യതയുണ്ടെന്ന് കണ്ടെത്തിയതിനെത്തുടർന്ന് ഉൽപ്പന്നങ്ങൾ തിരിച്ചുവിളിക്കുന്നു. ഉപഭോക്താക്കൾ ഈ ഉൽപ്പന്നം ഉപയോഗിക്കരുതെന്ന് കമ്പനി കർശന നിർദ്ദേശം നൽകി. കോസ്റ്റ്കോ ഐറ്റം നമ്പർ: 1974721. ബാധകമായ തീയതികൾ (Best Before): 2026 ഏപ്രിൽ 22 (2026 AL 22), 2026 ഏപ്രിൽ 28 (2026 AL 28).
2025 ഡിസംബർ മുതൽ 2026 ഏപ്രിൽ വരെയുള്ള കാലയളവിൽ സ്റ്റോറുകൾ വഴിയും ഓൺലൈനായും വിറ്റഴിച്ച കിറ്റുകൾക്കാണ് ഈ മുന്നറിയിപ്പ് ബാധകമാകുന്നത്. മോളിനാരോസ് ഫൈൻ ഇറ്റാലിയൻ ഫുഡ്സ് (Molinaro’s Fine Italian Foods) ആണ് ഈ പിസ്സ കിറ്റുകളുടെ നിർമ്മാതാക്കൾ.
നിങ്ങളുടെ പക്കൽ ഈ ഐറ്റം നമ്പറിലും തീയതിയിലുമുള്ള പിസ്സ കിറ്റുകൾ ഉണ്ടെങ്കിൽ അവ യാതൊരു കാരണവശാലും ഉപയോഗിക്കാനോ മറ്റുള്ളവർക്ക് നൽകാനോ പാടില്ലെന്ന് കോസ്റ്റ്കോ അറിയിച്ചു. പൂപ്പൽ ബാധ ആരോഗ്യപ്രശ്നങ്ങൾക്ക് കാരണമായേക്കാം എന്നതിനാലാണ് ഈ മുൻകരുതൽ. വാങ്ങിയ ഉൽപ്പന്നങ്ങൾ അടുത്തുള്ള ഏതെങ്കിലും കോസ്റ്റ്കോ വെയർഹൗസ് സ്റ്റോറിൽ തിരികെ നൽകിയാൽ മുഴുവൻ തുകയും റീഫണ്ടായി ലഭിക്കുമെന്ന് കമ്പനി അറിയിച്ചു. ഉപഭോക്താക്കൾക്കുണ്ടായ അസൗകര്യത്തിൽ കമ്പനി ക്ഷമാപണം നടത്തിയിട്ടുണ്ട്.
